هريسة محشية تمر
هريسة محشية تمر
المقادير
- 2 كوب ونص سميد وسط
- نصف كوب سكر
- ملعقة صغيرة بيكينغ باودر
- نصف ملعقة صغيرة كربونة
- نصف كوب سمنة
- علبة لبن زبادي تساوي نصف كوب
- كوب حليب سائل
- نصف كوب سكر (لبقية الوصفة )
- ملعقة صغيرة خميرة
- تمر مطحون
- ملعقة صغيرة قرفة
- للقطر
- 3كوب سكر
- 2كوب ماء
- عصرة ليمون
- 2ملعقة سمنة
الخطوات
كيفكم يا حبيباتي في زاكي اليوم وصفتي كتييير لزيزة بالبرد يارب تعجبكم
اول شي بنجيب السميد وملعقة البيكينغ باودر والكربونة ونص الكوب سكر ونخلطهم مع بعض وبعدين بنضيف عليهم السمنة وبنفركهم منيح منيح فيها
تاني شي بنجيب اللبن الزبادي وكوب الحليب ونصف كوب سكر وبنحطهم بوعاء ونخلطهم منيح ونضعهم على النار عشان يدفو شوي وبنطفي النار عنهم وبنضيف عليهم ملعقة الخميرة وبنتركهم لمدة خمس دقائق وبنضيفهم على السميد ونخلطهم جيدا
بنجيب الصينية وبندهنها سمنة وبنحط اول طبقة وبنجيب التمر وبنحط عليه ملعقة صغيرة قرفة وملعقة صغيرة سمنة وبنخلطهم منيح مع بعض
بنمدهم بين النايلون عشان يكون متساوي وبنغطي فيه طبقة السميد الي حطيناها بالصينية وبنرش شوية جوز مفروم فوق التمر وبنرصهم شوي بالتمر
وبعدين بنضيف الطبقة التالتة الي هي السميد بالتساوي وبنرش عالوجه جوز مفروم
وبنحطها بالفرن
ولما نشوف حرف الصينية صار احمر وجف السميد كلو بالصينية بنرفعها بنحمرها عالشواية وبنطلعها وبنقطعها شوي شوي
وبنضيف القطر لكفايتها وهو سخن وبنغطيها لمدة ساعة عشان تشرب القطر كلو
والف صحة وهنا
ولا تنسوني من دعواتكم
