فطيرة الدجاج ملكة الشتاء
فطيرة الدجاج ملكة الشتاء
المقادير
- ٣ كاسات كبيره طحين انا استعملت ال(مج) بالعيار
- ١ ملعقه كبيره ملح
- ١ملعقه صغيره سكر
- ١ ملعقه كبيره حبة البركه
- ٢ ملعقه كبيره سمسم محمص
- ١ ملعقه كبيره باكنج باودر
- نص كوب زيت بنفس الكوب الي عايرنا فيه للطحين
- ٢ ملعقه كبيره حليب بودره
- ماء للعجن تقريبا اخدت معي مي كاسه وربع حسب نوع الطحين
- مقادير الحشوة:
- صدرين دجاج مسلوقين
- حبتين بطاطا مقطعه مكعبات وبقليها بالزيت
- حبه كبيره جزره مبروشه علبة فطر ( اختياري)
- ٤ ملاعق لبن زبادي رايب بالقشطه ( العلبه اصغر حجم )
- باكيت قشطه
- ٣ حبات جبنه كيري او فيكي تستعملي جبنه الكاسات
- ملعقه صغيره ملح
- ملعتين عصير ليمون
- رشه زعتر اخضر
- جبنه موزيلا
الخطوات
بتعرفو انو طعمها خراااافي ازا جربتوها وبتصير خرافيه اكتر ازا ضفتوها عل المفضله كمان ههههههه بدها شويه شغل بس نتيجتها بتستاهل ودوقو وادعولي فيكم تعملوها طبق جانبي بالعزايم تعالو نحكي الطريقه
اول شي بتعجنو مكونات العجينه وبنقطعها الي ٤ كرات وبنتركهم على جنب لحتى يرتاحو ونجهز الحشوه
الحشوة عباره عن صدوره جاج ملسوقه وبفتتها بأيدي وبحطها بجاط وبحط عليها الجزر المبشور والبطاطا المقليه والفطر اختياري انا مابحطو لانو ولادي ما بيحبوه وبحط السوائل اللبن الزبادي وباكيت القشطه والجبنه السائله ورشه الملح والليمون ورشه الزعتر وبتخلطهم كلهم تقليب بالايد وهيك جاهزه بتكون بنجيب العجينه بنفردها على الطاوله بسمك ١سم وبحط الحشوة بالنص ورشه الموزيلا فوقيهم وبقطعها من الاطراف شرائح وبصير اسكر فيها على شكل × وبحطهم بالسدر وبخبزهم بالفرن الحامي ليتحمرو من تحت بعدين من فوق فيكي تدهني الوجه بالبيض مع شويه حليب وفانيلا وترشي سمسم وصحتين وعافيه يارب
