مقلوبة اللحمة شي ناهي
مقلوبة اللحمة شي ناهي
المقادير
- 2 كيلو لحمة قطع كبيرة
- راس زهرة صغير
- حبة بطاطا كبيرة
- حبة باذنجان
- شعيرة كاسة
- رز تايجر كيلو
- بهارات خشنة لسلق اللحمة:
- ورق غار
- راس بصل صغير
- حب هيل
- فلفل أسود حب
- بهارات ناعمة لخليط الرز:
- ماجي بودرة
- كاري
- فلفل أسود
- رشة عصفر
- كزبرة
- بهار المقلوبة
- ملح
الخطوات
اول شي يسعد مساكم يا غاليات وبعد طول غياب ان شاء الله حرجع وأنزل وصفاتي وان شاء الله تنال إعجابكم وأكيد كل وحدة من شيفاتنا الغاليات والرائعات الها طريقتها بالمقلوبة بس انا ما بقدر ولا بستغني عن وصفة الوالدة ربي يحفظلي اياها من كل سوء ومكرووووه ويحفظلكم والداتكم وعلى بركة الله نبدأ
اول شي منسلق اللحمة لمدة ساعة مع المطيبات طبعآ الي هيي لبهارات الخشنة والبصل وبعد الساعة منفتح عليها ومننشلها مبااااشرة من مية السلق ومنشوحها بالزيت الغزير والحامي بس تقليبة تنتين وبشيلها وببلش أقلي بالزهرة والبطاطا والباذنجان لحتى أخلص كل كمية القلي بقلي الشعيرية وفي ناس بتحب تحط راس العصفور بس انا بحب للمقلوبة الشعيرية وبعدين بكون ناقعة الرز وغاسليتو منيح بحط فوقو الشعيرية والبهارات الناعمة كلها والماجي والملح وبحركهم
هسا بجيب الطنجرة الي بدي أطبخ فيها وبحط بقاعها باذنجان بصفطو تصفيط بعبي القاع بعدين بحط اللحمة وبعدين برتب المقالي فوقهم وبعدين بدير الرز مع الشعيرية وبدير عليهم شوربة اللحمة وبطبخهم لحتى الإستواء
ولما أجي أطفي عليها الغاز بتركها شي ١٠ دقائق ترتاح بعدين بقلبها وتمتعي بالريحة والطعم ويااااا هومالاااااااالي
وتقدم بالهنا والعافية
وتقدم جنبها السلطة واللبن
وريتو عواااافي يا رب ♥️♥️♥️
ويااااا رب أكون انا ووصفتي خفيفة الظل عليكم وتكوني حبيتوني وحبيتو وصفتي المتواضعة
