طبقات البسكويت مع النيوتيلا
طبقات البسكويت مع النيوتيلا
المقادير
- بسكووويت شاي ٣ باكيتات حجم كبير
- كريمة ناشفة كاسة
- إلهم كاسة حليب متلجة
- ٤ معالق كبار كاكاو
- ٥ معالق كبار نيوتيلا او بديل لنيوتيلا ع طريقة أم جاسم العسل جربتها وطلعت رووووووعة
- وللتزيين أي شوكولا بتحبيها انا زينتها ببلي وانتي إلك حرية الاختيار
الخطوات
اول شي منعمل الكريمة منخفقها مع الحليب لحتى تنفش منحط الكاكاو ومنحط لنيوتيلا ومنخفقهم لحتى يتجانسو منحطهم بالتلاجة
وتاني شي منغمس البسكويت بالحليب البارد طبعآ هون منحل ٢ معالق كبار حليب بكاسة ماء بارد ومنغمس البسكويت فيهم
منحط طبقة من البسكويت وطبقة خفيفة كريمة ومنرجع نحط طبقة بسكوبت مغمس بالحليب بعدين كريمة لحتى تنتهي الكمية كلها انا هووووون الكمية هاي عملت ٦ طبقات بس للأسف ما قدرت صورها لأني عملتها هدية واخدتها على عيد ميلاد
وانا هوووون ما عملتها بالبايركس عملتها بصينية لتشيز كيك الي بتنفتح عن الجنب وانتي متل ما بدك بأي صينية بتريديها اعمليها
وبعدين منزيين الوجه بالشوكولا الببلي ومنحطها بالثلاجة عن لااااا يقل من ساعتين وبعدين تقدم بالهنا والعافية
جد جد وتلذذي بالطعم مش عارفة شو هو الطعم بالزبط متل البوزة او الحلو البارد او شو ما بعرف بس زاااااكية كتير جربوها وخبروني والتجربة خير برهان
ودمتم في حفظ الرحمان حبيبات قلبي واسفة على الإطالة
