مندي الدجاج بطريقتي الخاصة
مندي الدجاج بطريقتي الخاصة
المقادير
- دجاجة مقطعة ٤ قطع
- 3 رووس بصل كبير
- 4 سنون توم
- ماجي بودرة
- بهارات المندي
- بهارات الكزبرة
- التوم البودرة
- رشة ملح
- زبيب منقوع بالملح
- 4 كاسات رز حبة طويلة
- للتزيين حسب الرغبة:
- لوز مقلي
- زبيب مقلي
- لتفحيم الجاج والرز:
- فحمة
الخطوات
اول شي يسعد مساكم يا غاليات جيت اليوم وجبتلكم وصفة خفيفة وطيبة كتيييير يا ربي تنال إعجابكم وعلى بركة الله نبدأ
أول شي منكون منظفين الدجاج منفرم البصل والتوم فرم ناعم ومنحط عليهم مقدار كاسة شاي صغيرة زيت زيتون ومنحطهم ع الغاز ومنظل نحرك فيهم لحتى يتذبل البصل منحط عليهم جميع لبهارات والماجي والدجاج ومنقلبهم لحتى يتغير لون الدجاج منحط مقدار نص كاسة صغيرة ماء ( ما رح نكثر ماء لأنو الدجاج حيزل وما رح نحتاج ) ومنغطيهم ومنتركهم شي ساعة الى ربع او لحتى الاستواء حسب حجم الجاجة بعدين منشيل الدجاج ومنحطو بصينية ومنكون مشغليين الفحم ومنحط يفنجان زيت زيتون ومنحط الفنجان بين الدجاج ومنحط الفحم ومنغطي منكمرو كمر ما يبين منو شي
وهون منيجي لعمل الرز منغسل الرز ومنحطو فوق البصل والتوم والبهارات الي بالطنجرة الي عملنا فيها الدجاج طبعآ الطنجرة بكون ما فيها مي بكون ظايل البصل ومتسبك مع الزيت ومنحط فوقهم الزبيب الي نقعنا وصفينا من المي ومنغمرهم بالماء ومنطبخهم طبخ كامل لحتى الإستواء قبل ما تستوي بشي ٥ دقائق بنحط فنجان بنص الرز ومنحط فيو زيت زيتون ومنحط فحمة مولعة ومنغطيهم لحتى الفحمة تطفي لحالها
ومنقدم جنبو صلصة البندورة مع التوم والفلفل ع المونيلكس وخلصت ههههه ما بدها صنعة ومنحط جنبو لبن
وهووووون يا ستي منديرو وبنحط الدجاج فوقه ومنقدمو وبنزينو باللوز المقلي والزبيب المقلي وتلذذي بالطعم والشكل والريحة يااااا هوماااااااااااااالااااااالي جربو مش حتندمووووو خرااااااافي
ودمتم في حفظ الرحمان حبيبات قلبي واسفة على الإطالة ♥️♥️♥️♥️
