طريقة عجينة الباف بيستري المورقة بالتفصيل

المقادير

• نصف كيلو طحين
• نصف ملعقة ك ملح
• نصف ملعقة ك سكر
• ملعقة صغيرة خل
• 3 ملاعق زيت نباتي
• ماء باااارد للعجن
• للفرد بين طبقات العجين بدنا:
• ربع كيلو زبدة باردة منشيل منهن ملعقة ونص كبار للعجينة
• ملعقة صغيرة نشا

الخطوات

&بسم الله الرحمن الرحيم&

اول شي بدي قول اني حاطتلكم كمية صغيرة فلو بدكم تكبروها ضاعفو المقادير..

هلأ بالنسبة للخطوات موجودين بالصور بس هون حابة اكتبلكن الملاحظات وأسرار النجاح

1* نخل الطحين بدخل الو هوا وبالتالي بيعطيه خفة أكتر

2* باقي مكونات العجينة منضيفها كلها سوا ماعدا المي الباردة لبعد ما نبس المكونات مع بعض

3* اضافة الخل بطول مدة الحفظ واضافة الزيت بيعطي هشاشة أكتر

4* المي لازم تكون باردة لحتى ماتسيح الزبدة

5* منعجن المكونات لتلتم العجينة سوا وتكون لا طرية عم تلزق ولا قاسية زيادة

6* بالنسبة للزبدة تبع فرد الطبقات لازم تكون باردة شوي و منعجنها مع ملعقة النشا منيح لحتى ماتسيح معنا

انا بصراحة ساحت معي شوي لأنو اضطريت اتركها أثناء الشغل فيها

7* بعد ما نخلص كل شي منقدر نحتفظ فيها بالبراد لمدة 5 أو 6 أيام ومنقدر نحتفظ فيها بالفريزر لشهور اذا مغلفة منيح بتضل ما احلاها

8* بتمنى تعجب الأخت أم عدنان وكل اللي شافوها وانا متأكدة عالتجربة رح تدعولي ان شاء الله وسامحوني انو المود مو تمام بسبب الأخبار والله لو ما تأخرت على ام عدنان مالي حابة نزل شي

بحبكن من كل قلبي ولا تنسوني من الدعاء ولا تنسو اخواتنا من الدعاء