المعجنات بطريقتي
المعجنات بطريقتي
المقادير
- كيلو طحين
- كاسة شاي صغيرة زيت قلي
- نص فنجان صغير سكر
- معلقة كبيرة خميرة
- حبيبات رشة ملح
- نص كاسة لبن او ٣ معالق كبار حليب ناشف
- مي للعجن حسب الحاجة طبعآ المي داااافية
- للحشوة:
- سبانخ مع بصل
- جبنة مثلثات او جبنة بيضا قزحة
- سمسم
- لعمل البيتزا نفس العجنة ونفس المقادير لانو بصراحة انا عملت البيزا بيوم والمعجنات بيوم وانتي الك حرية الخيار:
- فليفلة خضرا وحمرا
- بندورة
- زيتون أخضر وأسود
- مرتديلا او نقانق
- فطر
- جبنة موزاريلا
الخطوات
اول شي منبلش بالعجين منحط الطحين والسكر والملح واللبن والخميرة وبحركهم مع بعض بعدين ببلش أبس فيهم بالزيت لحتى يصيرو متل لمبثورات معك ما بعرف اذا فهمتو ع كلمتي والى لأ المهم بعدين منبلش نعجن فيهم بالمي الدافية لحتى تتلملم معنا العجينة منظل نعجن فيها مو اقل من ١٠ دقائق بعدين منغطيها ومنتركها ترتاح مدة نص ساعة طبعآ بمكان دافي لحتى تختمر
هسا منجيب السبانخ ومنفرمو ومنغسلو كتيتتير من الاوساخ بعدين منحطو بالمصفاة وبحط علي رشة وفيرة من الملح وبظل أعصر في لحتى يبطل ينزل منو مي بعدين بجيب البصل وبفرمو ناعم وبحط علي رشة فلفل أسود ومعلقة كبيرة او تنتين سماق وعصير حبة ليمونة وبخلطهم كتييييييييير منيح مع بعض
وبالنسبة للجبنة انا عملت جبتة مثلثات وعملتهم خلية النحل لأنو بصراحة انا وجوزي من المعجنات منحب بس السبانخ والجبنة المثلثات الي هيي خلية النحل والبيتزا بس
المهم منبلش نعمل بالمعجنات بطريقتك الخاصة لحتى ننهي الكمية وسلاااااامة تسلمكم يا حلوات
بعد ما نخلصهم منحطهم بالسدور ومندهن لسدور شوية زيت زيتون وبمسك بيضة بحط عليها شوية نسكافيه او فانيلا وشوية حليب وبخلطهم مع بعض وبدهن وجه المعجنات فيهم وبرش السمسم والقزحة
ومنحمرهم وتلذذذذذذذي بالطعم الرهيب يا هوماااااااالااااااااالي
بالنسبة للبيزا منفرد العجينة ومنحط عليها كاتشاب او صوص البندروة ومنحط البندورة والفليفلة الحمرا والخضرا والزيتون الأخضر والأسود والفطر المطبوخ والنقانق والجبنة الموزاريلا وبحمرها من تحت بعدين من فوق وسلااالامة تسلمكم يا حلوات يا عسولات
والله والله تعبت قد ما كتبت بدي أعيط
بس مو خسارة فيكم مستعدة أظل أكتب لبكرة بس أهم شي أكون فدتكم لو شي بسيط او عجبتكم وصفتي المتواضعة حبيبااااااااات قلبي ربي يحفظكم ويخليلي اياكم وما يحرمني منكم جميعآ
دمتم في حفظ الرحمان♥️♥️♥️♥️♥️♥️
