الششبرك او (اذان الشايب)

المقادير

• طحين ابيض كوب او حسب عدد الافراد
• طحين اسمر قمح حسب الرغبه
• ملح
• شوية زيت ذره لتسهل فرد العجين
• لحمه مفرومه نوع جيد
• لبن زايد من المنسف قبل بكم يوم التوأمان
• الملح
• الفلفل

الخطوات

السلام عليكم ورحمة الله وبركاته عزيزاتي وخواتي

الششبرك بحبه وبحب اللي بطبخه واللي بحب ياكله للششبرك..

بدي منك اي ملاحظات ع طريقة الطبخ لاني انا من كم سنه اتعلمتها وبعمل كميه بسيطه لانه عيلتي صغيره

بسم الله

بنعجن العجينه وبنتركها ترتاح ربع ساعه

بنجهز اللحمه المفرومه مع بصله وملح وفلفل واذا بتحبو رشة بقدونس اخضر.. اختياري

بنفرد العجينه بسُمك رقيق تقريبا .. بنقطعها باي فنجان حجم صغير او بقطاعة عجين

بنحشيها وبنلفها زي الطاقيه.. انا عملتها بحجم صغير بس الصوره مكبرتهم

طبعا ماتنسو تحطو طحين بالفرد ولما تصفوهم جنب بعض بلاش يلزقو..

بنغلي اللبن اللي ضل من المنسف او بنعمل خليط لبن وشنينه او لبن وجميد

بس يغلي بنسقط الطواقي بحذر وبنحرك شوي شوي حتى مايلزقو

بنتركها تقريبا ربع ساعه… وبنسكبها وبناكلها مباشره

اذا مابدكم تاكلوها فورا… شيلو الطواقي من اللبن لانه اذا ضلو رح يشربو كل اللبن

وعند التسخين رجعوهم للطنجره

بكرر عليكم اي ملاحظات اكتبولي ياها بتعليقاتكم حتى اتعلم..

… وتسلمولي ياعسلات