البروستد متل الجاهز وأطيب
البروستد متل الجاهز وأطيب
المقادير
- دجاجتين منظفين منيح
- لخلطة السوائل :
- بيضة
- كاسة حليب سائل
- نص كاسة صغيرة خل
- نص كاسة صغيرة لبن
- معلقة صغيرة بهارات دجاج
- ماجي بودرة باكيت
- معلقة صغيرة فلفل أسود
- معلقة صغيرة بصل بودرة
- معلقة صغيرة ثوم بودرة
- معلقة صغيرة كاري
- معلقة صغيرة بابريكا حارة
- خلطة النواشف :
- 2 كوب طحين أبيض
- 2 ملعقة كبيرة نشا
- ماجي بودرة باكيت
- بهارات دجاج معلقة صغيرة
- كورن فليكس او كعك غير محلى مدقوق خشن
الخطوات
اول شي منحط خليط السوائل كله مع بعض ومنخلطهم ومنحط فيهم الدجاج ومننقعهم 24 ساعة يعني قبل بليلة
وتاني يوم منحط خليط النواشف كله مع بعض ومنصير نغط الدجاج بالخليط ومنحطهم بالصينية لحتى ننهي كل الكمية منحط الزيت الغزير على الغاز حتى يحمى منيح منيح منيح هاي الخطوة مهمة بعدين لما نحط الدجاج منوطي الغاز نص توطاي ع شان الدجاج يستوي شي 5 دقائق منقلبو ع الجهة التانية وكمان منخليها شي 5 دقائق وبتحمرو ومننشلهم مباااااااشرة على ورق المطبخ لحتى يتماصى من الزيت ومننقلهم على طبق التقديم هيك لحتى انتهاء الكمية كاااااملة
ومنقدم جنبها الكاتشاب والمايونيز او المثومة على طريقة ريحااااانتنا الغالية
وريتوووووو عوووووووافي يا رب
ويااااا رب تجربوها وتعجبكم لأنو فعلآ تستحق التجربة والله متل الجاهز وأطيب كمان يا ربي تكون وصفتي لليوم عجبتكم وخفيفة عليكم
دمتم في حفظ الرحمان غالياتي وأخواتي وحبيبات قلبي أختكم في الله أم عمرو
