مطبق الزعتر الأخضر
مطبق الزعتر الأخضر
المقادير
- العجينه
- خمس ونصف كوب طحين
- ٢ م ك سكر
- ٢ م ك خميره
- ١ م ك ملح
- كوب الا ربع زيت زيتون
- ٢ كوب ماء دافئ
- للحشوة
- ٢ ضمه زعتر اخضر نظيف ومقطع
- كيلو بصل مفروم خشن
- ملح حسب الرغبه
- رشه فلفل اسود
- رشه سماق
- نصف كوب زيت زيتون
- للتبطين ..نخلطهم معا:
- ١ كوب زيت زيتون
- ١ كوب زيت نباتي
- لتبطين العجينه:
- ربع كوب زيت زيتون
الخطوات
السلام عليكم ورحمه الله ….يسعد اوقاتكم …مارح احكي ولا كلمه عن مطبق الزعتر الاخضر …لانو مافي حكي يوصل طعمه ولا ريحتو الرائعه
******الوصفه هاي كانت برعايه ام احمد رشا الله يسعد قلبها … ههههه يلي دايما بجننها بس بدي اعمل وصفه جديده …هي دلتني ع طريقه دعك العجين ليصير منيح وناعم وطريقه شكل المطبق وطريقه ركو ههههههه اما باقي المكونات فهي مني ههههه***
يلاااا نبلش
للعجينه نضع كل المواد الجافه معا ونحرك ثم نضع زيت الزيتون والماء الدافئ تدريجيا حسب الحاجه لتصير معنا عجينه متماسكه وطريه مش جامده وناعمه
ندهن وجها بزيت الزيتون(( الصور مع لم العجين بعد العجن وبعد التبطين)
نتركها تختمر لمده ساعة نلفها بنايلون المطبخ ثم بفوطه نظيفه في مكان دافئ ((الصورة بعد التخمير))
نضع البصله مع الزيت بطنجرة على الغاز ونرش الملح والفلفل الاسود حسب الرغبه
الزعتر الاخضر لازم …. مغسول ومعصور وناشف من الماء
بعد استواء البصل انو يصير لونو تقريبا شفاف نضعو فوق الزعتر مع رشه ملح وفلفل اسود والسماق وطبعا كلو حسب الرغبه ونحركهم كويس معا
العجينه الان تخمرت تدهن صينية بخليط الزيوت .. كميه وفيره نقطعها كور صغيرة وندعها تختمر كمان نصف ساعة((( الصور قبل التخمير وبعد التخمير)))
وبدء العمل بالصور ندهن الصينيه كميه زيت من المختلط ونبدأ العمل
ندهن صينيه الفرن ايضا بكميه زيت مختلط مع بعض ونرك المطبقه تدريجيا اول ما نضعها نرك شوي ثم نعود بعد فترة ونركها كمان شوي وهيك لتصير رفيعه أو حسب ما بتفضلو (نحنا بنفضلو رفيع كتير) لتخلص كل الكميه
نبدأ الان بوضعها بالفرن لحتتى تتحمر من تحت ونحمر الوجه من فوق واول ما تطلع من الفرن نغطيها بفوطه نظيفه لنحافظ على طراوتها
الكميه هاي عملت ٩ مطبقات ما بين الوسط والكبير،
تقدم مع كاسه شاي …ومكدوس وزيتون وبندورة ..وتذوقو اطيب غداء
…….وعليكم بالف عافيه وهنا …..
