المجدرة على طريقتي

المقادير

• كاسة ونص عدس حب
• ٣ كاسات رز تايجر
• كاسة شعيرية
• كاري
• فلفل أسود
• ماجي بودرة
• رشة عصفر صغييييرة
• بصل

الخطوات

يسعد مساكم يا غاليات اليوم وصفتنا خفيفة وسهلة بالنسبة للكل بس لكل وحدة طريقتها الخاصة وانا هاي طريقتي حبيت أشاركم فيها ويا ريت تتقبلوها ♥️♥️♥️♥️

أول شي بسم الله وعلى بركة الله نبدأ

منحط مي بالطنجرة ومنسلق العدس حتى يستوي مو يذوب بالمرة لا بس استواء الي تروح القرشة منو بعدين منصفي من المي ومنحط ميتو على جنب ما منكبها لأنو رح نحتاجها

بعدين بكون ناقعة الرز ومحمصة الشعيرية تحميص

منط العدس الي صفينا من المي ومنحط علي الرز والشعيرية بالطنجرة وبعدين بحط البهارات والماجي وبحط شي ٤ معالق كبار زيت قلي وبخلطهم مع بعض وبدير عليهم مية سلق العدس حتى نغمرهم وبعدين منتركهم على نار عالية لحتى تنشف المي بعدين منوطي النار جدآ ومنتركها حتى الاستواء

وبهاد الوقت بكون قطعت البصل هلالات

وبقلي بزيت زيتون لحتى يتحمر

بقدم المجدرة بطبق التقديم وبزينها بالبصل المقلي وبدير الزيت تبع البصل على الوجه وبزينها بالفستق والبقدونس وهاد الشي اختيااااااااااري

وهيك خلصت وصفتنا لليوم يا رب تكون عجبتكم ودمتم في حفظ الرحمان حبيباااااااااااتي ♥️♥️♥️

أختكم في الله أم عمرو