البيتزا على طريقتي
البيتزا على طريقتي
المقادير
- عجينه ( اي نوع انتي بترتاحي بالشغل فيها)
- زعتر اخضر او زعتر ناشف
- بصل شرحات
- فليفله الوان
- فطر
- ذره
- هودوغ او شرحات جاج مشوحه بشويه فلفل اسود وماجي بودره وزعتر
- زيتون اسود
- جبنه (. انا بستخدم موزيريلا + قشقوان ومرات بحط شيدر)
الخطوات
السلام عليكم حبيباتي…. نبدأ اولا بالصلاه على رسولنا الكريم
اعذروني صبايا اللي طلبتو الوصفه لاني اتاخرت عليكم بس ما كان معي نت
نبدا الوصفه :
اولا….. بالنسبه للعجينه بحط طحين/ وشويه حليب بودره /وبيضه ( اختياري)./ وخميره / سكر / ملح رشه صغيره وما بحطها فوق الخميره / شويه لبن رايب / معلقه صغيره باكينج باودر
بعجن كل هاي المكونات بماء دافئ…. واخر اشي بضيف شويه زيت زيتون ورشه زعتر وبعجنها منيح وبتركها تتخمر…. ومشان تخمر بسرعه بهالجو بدفي الفرن شوي وبطفيه… وبلف جاط العجين بقماشه نضيفه وبحطو بالفرن عالدفى
بالنسبه للحشوه…. بحط زيت زيتون بطنجره وبحط المقادير شوي شوي ورا بعض بس لحتى يذبلوا واخر اشي بملحهم او ممكن ماجي بودره ورشه صغيره فلفل اسود وزعتر
لصلصه البيتزا…. باخد شوي صغيره من الحشوه بحطهم بالخلاط وبحط عليهم كاتشب وصلصه بندوره وبرجعهم يتسبكو عالغاز واذا جمدت كثير حطي نتفه مي … بكون طعم الصلصه لحالها بيتزا
بجيب صينيه غير لا صقه او سدر… بفرد فيه العجينه وبحط عليه الصلصه وبحط عليها جبنه
وبفرد الحشوه. بدخلهم عالفرن لحتى تستوي وقبل ما تتحمر…. بطلعها وبحط عليها جبنه…. وازكى لما تعبيها جبنه وبدخلها عالفرن لحتى تتحمر البيتزا وتوخد لون من تحت
لو اتحمرت العجينه والجبنه لسا مش دايبه كثير…. طفي الفرن وخلي البيتزا بحراره الفرن… بعد شوي بتذوب
وصحتين وعافيه
ملاحظة من الأدمن: جودة الصورة سيئة الرجاء استخدام صور بجودة أفضل حتى يتم النشر
