محاشي ( كوسا وملفوف ودوالي)
محاشي ( كوسا وملفوف ودوالي)
المقادير
- كوسا
- دوالي ( ورق عنب)
- ملفوف
- لطبخ الكوسا والدوالي:
- صلصه بندوره
- حشوه الكوسا والدوالي:
- ارز حبه متوسطه
- بقدونس
- بصل مفروم ناعم
- بهارات ( فلفل اسود/ بهارات مشكله/كاري / بهار منسف /هيل / و ممكن تضيفي او تلغي اي نوع)
- لحمه مفرومه خشن مع دهن( ليه)
- معلقتين سمنه
- ماجي
- نعنع ناشف او اخضر مفروم ناعم
- حشوه الملفوف نفس المقادير السابقه لكن :
- نضع ثوم مهروس بدل البصل
- نضيف كمون حسب الرغبه و حسب كميه الرز
الخطوات
السلام عليكم و رحمه الله و بركاته
##التجهيز مسبقا….
نغسل الكوسا ونقمعها… و بعدين نحفر الكوسا… نسلق الملفوف و نقطعه… انا استخدمت دوالي مفرز ما احتجت اسلقه
نجهز الحشوه نضع كل المقادير فوق بعض و نسيح السمنه او ممكن استخدام الزيت النباتي و ممكن وضع ملعقه صغيره سمن بلدي بيطلع الطعم بشهي
و لما يحمى الزيت بنطفي عليه و بنذوب الماجي فيه و بنديرهم عالحشوه و بنحركم و اذا احتاجت الحشوه ملح ضيفيلها
و بعد هيك بنبلش بحشي الكوسا و لف الدوالي و الملفوف
و بنطبخهم … و صحتين و عافية
و هلا بترككم تستمتعو بالصور
ملاحظه… حشوه الكوسا لا تكبيها…. انا بفرزها و بستخدمها بشوربه الخضار او بحوسها مع بصل و زيت زيتون و ماجي او كوسا ببندوره
