بسكويت بالعجوة
بسكويت بالعجوة
المقادير
- ٢ و نصف كوب طحين
- نصف كوب حليب بودرة
- ملعقتين نشا
- رشة ملح
- ملعقتين فانيلا
- ملعقتين بيكنج بودر
- نصف كوب زيت او ٢٠٠ غرام زبدة لينة
- كوب سكر نصف كيلو عجوة
- ملعقه صغيرة قرفه
- نصف كوب حليب
الخطوات
السلام عليكم ورحمة الله وبركاته كيفكن يا أحلى صبايا الوطن العربي
شتقتلكن كتييييييير بس رجعتلكم بوصفك بسكويت روعـــــــــة
ان شاء الله تعجبكن بصراحة ما نزلت الخطوات بس لعيون سوزي وبام علي وكل الصبايا رح نزل الطريقه
بسم الله نبدأ
اول شي رح نخلط البيض والفانيلا ونضيف الزيت (أو الزبدة) والسكر وبنخاط كتير منيح
وع جنب بنخلط الطحين والبيكنج باودر والحليب والنشا والملح مع بعض وبنضيفو للخلط وبنخلطهم مع بعض رح بنحسو زي الرمل بعدها بنضيف نصف كوب حليب بتدريج حتى يصير معنا عجينه زي عجينه الصلصال يلي بيلعبوا فيه الأولاد حتى نقدر نشكلو اذا طلعت طريه بنزيد طحين واذا طلعت ناشفه بنزيد حليب وهيك بتكون العجينه جاهزة
العجوة بنعجنها مع شوية زبده حتى تطره شوي ومع القرفه او اي نكهة بتفضلوها
وهيك بنكون جهزنا كلشي للشغل
بناخذ قطعه من العجين بقدر كرة التنس
ونلفها بشكل طولي وبنرقها وبعدها بنلف قطعه عجوة بمقدار ثلث العجينة ونلفها ونحطها بنص العجينه وبنسكر العجينه ع العجوة وبنرتب شكلها وبنمشط الشوكة من أولها لأخرها مع الضغط
وبطول نص الإصبع نقطعها او بالطول او الشكل يلي بتحبو وبالفرن ع درجه حرارة ٢٠٠ حتى تتحمر من الأسفل وبنرجع نحمرها وهيك بتكون جاهزة احلى بسكويت مع احلى فنجان قهوة ان شاء الله تعجبكن ولا تنسوني بدعائكم
