جبن كريمي روعة ومنكه من عمايل ايديا

المقادير

• منحتاج خليط الجبنة اللي عملتو بالوصفة الماضية
• اذا حبينا ننكه بدنا ملعقة كبيرة مربى فريز (أو اي مربى تاني)
• او نصف ملعقة كبيرة شطة
• بإمكاننا ننكه بأعشاب كمان (شبت او نعنع او ريحان مفرومين ناعم)

الخطوات

“بسم الله الرحمن الرحيم”

وصفتنا هي تابعة للوصفة الأولى (جبنة المثلثات)

بتمنى الأدمن تمار تحط رابط الوصفة هون ومشكورة سلفا

* بعد ما نشيل خليط الجبن عالغاز منفضيه عالخلاط ونعمل ضربة وحدة او ضربتين بسسسسس وتحت بس خطين حمر

فقط ليمتزج الخليط مابدنا نفرطو نحنا

وخلص منحط المنكه ومنخلطو بالجبنة بالملعقة ومنفضيه على مرطبان زجاجي بس ماتغطوه أول شي اذا كان سخن

ومنحتفظ فيه بالبراد بضل ما احلاه لمدة اقصاها أسبوع

وماتنسو فيكن تستخدموها للحلويات والمعكرونات وأي استخدام للجبن الكريمي عادة

حاولو تقدموها لأطفالكن بطريقة حلوة رح يفرحو فيها وكتير

انا عملت هالنكهتين لاني بعشق الفريز والحجي بحب الحاااار كتير وانتو الكن حرية اختيار المنكه

وبس حبيباتي لا تنسوني من دعواتكن الحلوة كل يوم عالفطور هههههه

أستودعكن الله..