معجنات اللحمة
معجنات اللحمة
المقادير
- كيلو لحمة مقطعة بالسكين قطع اصغر من تقطيع راس العصفور واذا بتحبيها مفرومة خشنة الخيار الك انا بفضلها مقطعة
- فلفل الوان مقطع مكعبات
- بصل مقطع مكعبات وسط
- بندورة حبتين كبار مقطع مكعبات
- فلفل اسود معلقة صغيرة
- ملح معلقة ونص صغار
- كاري نص معلقة صغيرة
- سماق معلقة كبيرة
- لية تقريبآ قطعة وسط
- زيت ذرة للعجين
- عجينة خبز الحمام بالسرر موجودة بملفي
الخطوات
اول شي بعمل العجينة وبتركها تخمر
بعدين بحط الزيت واللية ع الغاز وبقلبهم حتى تتحمر اللية وبعدين بضيف اللحمة وبضل اقلب حتى تتغير لونها وبوطي تحتها وبتركها تستوي وعند بس اشوفها ستوت بضيف الملح والفلفل والكاري وبعدين بضيف البصل وبقلب بس يذبل وبعدين بضيف الفلفل والبندورة وبقلب خفيف وبطفي ما بخلي يستوي مزبوط البندورة والفلفل لانو بدو يدخل الفرن واخر شي برشلها السماق
وبتركها تبرد وببلش قطع العجين واحشيهم واشكلهم وادخلهم الفرن وبس اشويهم واحمرهم بطلعهم للأكل على طوووول اللحمة لازم من الفرن على الكرش على طول هيك زكاتو اذا برد مو طيب كتير بصير
طبعآ زاد عندي شوية عجين فتحت علبة نقانق وقطعتها شرائح وقلبتها بالزيت تقلاية بسيطة وبهرتها بكاري فلفل اسود وملح وحشيت فيهم باقي العجين كتييييير طيبين طلعة مع كاتشب رووووعة
ملاحظة :
اللحمة اذا بدك تعمليها تقطيع لازم تكون لحمة عجل رضيع صغيرة لتستوي بسرعة وما تشد معك او لحمة خاروف صغيرة ضروري تكون صغيرة عشان ما تطلع شادة معك واذا مفرومة خشن ما في مشكلة من نوعها كبيرة او صغيرة
جربوها ودعولي دعوة حلوة من القلب
واتركم بحفظ الله ورعايتة للوصفة القادمة
