البيتزا بطريقتي بطعم ولا أروع من هيك
البيتزا بطريقتي بطعم ولا أروع من هيك
المقادير
- عجينتي الأساسية (سبق ونزلتها)
- للصلصه بنحتاج:
- م.ك صلصه بندوره
- م.ك خل أبيض
- م.ك زيت زيتون
- م.ص سكر
- م.ص ملح
- م.ص زعتر ناشف
- م.ص فلفل أحمر مطحون
- رشه فلفل أسود
- نصف كوب ماء
- للحشوه:
- بواقي لحمه كانت عندي فستخدمتها
- جبنه موتزاريلا أو أي نوع بتحبيه
- بصل
- فليفله ملونه
- زيتون أسود
- فطر (مشروم)
- زعتر ناشف
- لدهن الصواني:
- زيت
الخطوات
بسم الله نبدأ
بعد ما عجنت العجينه قطعتها لكرات وتركتها لترتاح
جهزت الصلصه حطيت كل المكونات في مقلاه ما عدا الميه وتركتها كم من دقيقه بس لتطلع الريحه حطيت الميه وتركتها لتتسبك لو كانت خفيفه زيدي كمان نص معلقه صلصه ولو سميكه زيدي ميه المهم تكون وسط لا خفيفه ولا سميكه لما تغلى إطفى عليها وهيك بتكون جهزت دوقيها ولو حستيها بدها شئ ضيفي يعني على حسب ذوقك يا عسل
قطعت البصل والفليفله لشرائح وبرشت الجبنه
جبت الصواني إلي بدي أخبز فيهم دهنتهم بشويه زيت أخدت قطع العجين وفردتهم بأطراف أصابعي أنا بحب تكون وسط لا رقيقه ولا سميكه أنتي إعملى إلي بريحك
بعدين جبت شوكه وخزقتهم منشان ما تنفش كتير
بعدها فردت الصلصه بعدين الجبنه بعدين البصل والفليفله والزيتون والفطر وبالأخر رشيت على الوجه رشه من الزعتر
إلي بالجاج حطيت الصلصه بعدين الجاج والجبنه وبعدها نفس الخطوات
خبزتهم على درجه حراره متوسطه لما الأطراف أخدت لون ذهبي حمرت الوجه وقدمتها
بتمنا هالوصفه البسيطه تعجبكم وتدعولي بالخير والعافيه
♡وصحه وعافيه بحبكم أنا♡
