حلا كريم الكراميل بالنسكافيه
حلا كريم الكراميل بالنسكافيه
المقادير
- الطبقة الأولى:
- 4 باكيت كريم كراميل
- لتر حليب سائل
- بسكوت شاي للتوزيع بين الطبقات
- الطبقة الثانية:
- لتر حليب سائل
- 4 ملاعق صغار نسكافيه باودر
- 4 ملاعق كبار نشا
- الزينة شو ما بتحبو انا زينتها:
- بسكوت مطحون
- فستق حلبي
- زبيب
الخطوات
السلام عليكم ورحمة الله وبركاته يسعد أوقاتكم عزيزاتي بكل خير ومحبة هاي الوصفة اول مره بعملها ففكرت بعد ما عملتها وطلعت طيبة وسهلة وخفيفة إني انقللكم إياها إن شاء الله تجربوها وتحبوها
اول شي بنحضر جاط بايركس وبندهنو بالكراميل يلي في البكيت وبنرتب بسكوت الشاي بجانب بعض
بنحضر الطبقة الأولى بنخلط الكريم كراميل مع الحليب على النار لحتى يغلي معنا منيح ويصير جاهز وبنسكب نص الكمية فوق البسكوت
بنرجع بنحط بسكوت فوق الكريم الكراميل بعد ما يبرد شي ساعة
بنحضر الطبقة الثانية بنخلط الحليب مع النسكافيه والنشا على النار لحتى يثقل معنا الخليط وبنسكبو بحذر فوق طبقة البسكوت وبنتركو يبرد شوي
بنرجع لآخر طبقة بسكوت وفوقها نص الكمية يلي زادت من الكريم كراميل وبنخليها تبرد من ساعتين الى 3 ساعات
وبنزينها بالطريقة يلي بتحبوها
انا زينتها بسكوت مطحون وفستق حلبي وزبيب
ودمتم بخير وصحة وعافية أن شاء الله
