كوكيز
كوكيز
المقادير
- 110غ زبدة بحرارة الغرفة
- نصف كوب سكر ابيض
- ربع كوب سكر بني
- معلقة كبيرة فانيلا سائلة
- بيضة بحرارة الغرفة
- كوب ونص طحين
- معلقة صغيرة بيكنغ باودر
- نصف معلقة صغيرة ملح
- نص معلقة صغيرة بايركربونات الصوديوم
- كوب شكولاتة حبيبات
- مكونات كوكيز الشكولاتة:
- 110غ زبدة بحرارة الغرفة
- نص كوب سكر ابيض
- ربع كوب سكر بني
- ببضة بحرارة الغرفة
- معلقة كبيرة فانيلا
- كوب وربع طحين
- ربع كوب كاكاو مر
- معلقة صغيرة بيكنغ باودر
- نص معلقة صغيرة بايركربونات الصوديوم
- نص معلقة ملح
- شكولاتة حبيبات
- ملاحظة الكوب المستخدم في الوصفة كوب معياري سعة 235 ml
الخطوات
بسم الله الرحمن الرحيم
السلام عليكم حبيباتي
حبيت اعمللكم كوكيز لانو الكل طلب المكونات والطريقة وان شالله راح احاول انزل باقي الوصفات الي نزلتهم في المنشور السابق باذن لله والان نبلش في طريقة الكوكيز
بسم لله
اول شي بنخلط الزبدة مع السكر البني والابيض حتى بصير الخليط تقريبا كريما والافضل استخدام المضرب اليدوي وبنضيف البيضة والفانيلا حتى تختفي البيضة بنضيف الطحين المنخول مع الببكنغ باودر و بايركربونات والملح حتى يختفي الطحين تماما بدون مبالغة في الخلط واخر شي بنضيف الشكولاتة الحبيبات وبعدها بنريحو في التلاجة مدة نصف ساعة
والان مرحلة التشكيل انا ستخدمت معلقة البوظة عشان يطلع الشكل دائري تقريبا وبنشكلهم ونضعهم في صنية الفرن عليها ورق زبدة على الفرن على درجة حرارة 160 درجة محمى مسبقا يكون وما بيوخذ وقت كتير بس يطلع من الفرن بنخليه يبرد منيح قبل ما نشيلو لانو بكون كتير طري وبنحفظو في علبة مسكرة
خليط كوكيز الشكولاتة:
نفس الشي ولاكن بنضيف الكاكاو مع الطحين وبننخلو وبنكرر نفس الطريقة وبفضل نضع مع خليط الشكولاتة في الفرن حبة من خليط الابيض عشان في الخبز ما ببين اذا تحمر خليط الشكولاتة الابيض عشان نقدر نعرف انو تحمر
وهيك بتكون وصفتنا جاهزة وصحتين والف عافية على قلبي وقلبكم لا تنسوني دعواتكم الحلوة
