ساندويش التشكن بيتزا لغدا سريع وخفيف

المقادير

• نصف كيلو صدر جاج مقطع شرائح
• ٢ بصله مقطعين شرائح
• ٢ فليفله ملونه مقطعين شرائح
• ١ فلفل أخضر مقطع شرائح
• ٢ م.ك زيت نباتي
• بهارات م.ك من :
• بهار جاج
• بهار شاورما
• نص م.ص فلفل أسود
• م.ص ملح
• خبز فينو
• جبنه موتزاريلا

الخطوات

بسم الله نبدأ

بالبدايه بقلب البصل والفليفله والفلفل الحار بالزيت مع رشه ملح لما يدبلو بضيف صدر الجاج والبهارات وبحركهم كويس وبتركهم ليستوا

بعدها بجيب الخبز الفينو وبعمل فتحه بالسكينه بالطول بحشي الخبزات بهالخلطه وبرصهم بصينيه بعدين بضيف عالوجه الجبنه بحط الصينيه بالفرن بس من فوق لتسيح الجبنه وبس كتير زاكي وووسهل

ولو حابه تحطي زيتون أسود عالوجه بطلع منظر أحلا وفيكي تغيري بالحشوه مثلا تحطي جزر مبروش أو ذره ورشه زعتر ناشف الخيارات بترجع إلك وعلى حسب ذوقك

بتمنا هالوصفه البسيطه تعجبكم وتدعولي بالخير والعافيه

♡وصحه وعافيه بحبكم أنا ♡