مفتوووول على طريقتي
مفتوووول على طريقتي
المقادير
- برغل خشن
- طحين قمح
- جاج
- ميه بندوره
- بهارات مشكله
- كركم
- كاري
- فلفل اسود ملح
- زيت زيتون
- حمص حب
- عدس صامد
- بصل
- فلفل حار حسب الرغبه
- كشك بندوره (بندوره مجففه )
- ماء
الخطوات
بسم الله الرحمن الرحيم
السلام عليكم ورحمه الله وبركاته
اولان بنكون ناقعين الحمص والبرغل قبل بوقت وبنقلي الجاج كمان وبتنركهم ع جنب لنجهز باقي الاغراض
هسا بالطنجر بنحط العدس المغسول والبندوره المجففه والجاج والحمص والبصل مقطع وفنجان زيت زيتون والبهارات والفلفل الحار وانا كمان بضيف بطاطا مقشره حبات كامله عشان ابني الصغير ههههه يعني بسلقله البطاطا مع شوربه المفتول وبنضيف مي وع الغاز تاخذ غلوه وباي الاثناء نبلش نفتل بالمفتولات
ي حلوات بنجيب سدر ونحط عليه كميه مناسبه طحين ونرش عليه من البرغل ( البرغل يكون رطب ونرش عليه اشويه ملح ونقلبه قبل الشغل ) وتبدأ عمليه الفتل نحرك البرغل مع الطحين بشكل دائري ليتكون عندنا حبات المفتول ( البرغل مغلف بالطحين الاسمر ) ننخلها ونفرغها بالمصفايه ونكررالعمليه حسب الكميه المناسبه ونحط المصافايه ع الطنجره ونلزق حواف الطنجره بالعجين حتى لا يتسرب البخار للخارج ( هاي الخطوه بس للي ماعندهم طنجره مفتول )وكمان مره عالغاز لحتى انشوف البخار يطلع من المصفايه من كل الجهات نتركها فتره لحتى نتاكد من استوائها (لما ندق على المفتول بيكون متماسك )
بعد هيك بنشيل العجين عن الحواف وناخذ المفتول من المصفايه ونحطه بسدر ونفركه بزيت الزيتون كميه مناسبه وهو ساخن وبعدها بسقيه بالشوربه ونحط الجاج وليكون جاهز للتقديم والف صحه وهنا
ان شاء الله اكون وصلتلكم الفكره بالشرح الوافي ويارب تعجبكم الطريقه وتجربوها
واذا عجبتكم ادعولي دعوه حلوه مثلكم
استودعكم الله الذي لا تضيع عنده الودائع
