بسبوسة بالقشطة على طريقتي رائعة وشهية
بسبوسة بالقشطة على طريقتي رائعة وشهية
المقادير
- تنين بيض
- نص كاسة سكر
- رشة ملح
- نص كاسة زيت نباتي
- نص كاسة لبن زبادي
- بكيت فانيلا
- كاسة سميد ناعم
- بكيت بيكنج باودر
- نص كاسة جوز الهند
- كاسة قطر مغلي مسبقا وبارد
- مقادير القشطة:
- تنين كوب حليب سائل
- اربع ملاعق نشا
- تلات ملاعق سكر
- علبة قشطة
- بكيت فانيلا
- اربع مكعبات جبنة كيري
- للزينة:
- فستق حلبي
الخطوات
السلام عليكم ورحمة الله وبركاته
كيفكم يا عسولات… يا حلوات… يا رب تكونو بألف خير غالياتي
اليوم وصفتنا سهلة وخفيفة وكتير زاكية
ان شاء الله بتجربوها وبتعجبكم وهي البسبوسة كتير الها طرق ومقادير وانا بفضل هاي الطريقة كتير رح تحبوها
بسم الله نبدأ…..
اولا نحضر خليط البسبوسة.نضع البيض وعليه السكر واللبن والفانيلا ورشة الملح
والزيت ونخلط جيدا….ثم نضيف السميد وجوز الهند والبيكنج باودر ونخلط جيدا
نضع نصف الخليط في صينية الفرن وندخلها على درجة حرارة 180من أسفل حتى تنضج مع المراقبة…. في هذا الوقت نحضر القشطة… في اناء نخلط الحليب والنشا والفانيلا والسكر على البارد ونضعه على النار مع التحريك المستمر حتى يغلي
ثم نضع علبة القشطة والجبن ونحرك قليلا ثم نضعها على خليط البسبوسة بعد خروجها من الفرن وهي ساخنة وملاحظه صغيرة…. نسقيها بملعقتين قطر ونوزعها حتى تكون رطبه قليلا قبل وضع طبقة القشطة عليها….. بعد ذلك نترك القشطة تبرد قليلا وتتماسك، بعدها نضع الكميه المتبقية من الخليط ونوزعها بلطف على طبقة القشطة وندخلها الفرن والنار من أعلى حتى تتحمر قليلا و نخرجها من الفرن ونسقيها بكوب من القطر وندخلها الثلاجة حتى تبرد تماما وعند التقديم نزينها بالفستق الحلبي المطحون….
وألف صحة وهنا على قلوبكم
الله يرضى عنكم ويرضيكم اخواتي العزيزات
