مقلوبتي يميي
مقلوبتي يميي
المقادير
- كوبين أرز طويل
- حبة باذنجان طويلة
- زهرة
- شرائح بندورة
- شرائح بطاطا
- شرائح بصل
- ٤حبات ثوم مع ٣رؤوس ثوم
- ٢مكعب مرق
- ملح
- زيت
- بهارات ناعمة:
- فلفل
- مشكله
- كركم
- قرفه
- بهارات خشنه:
- هيل
- لومي
- قرنفل
الخطوات
السلااااااااام عليكم ورحمة الله وبركاته
مسا الخير والمسرات
لعسلات زاكي رجعتلكم ومعي مقلوبتي ولي بتحب المقلوبه تمسك ملعقتها وتتفضل بصراحة انا بحب كتيييير المقلوبه وعملتها بدون جاج او لحمة وطلعت كتير زاكيه وحبيت شاركم فيها ان شاء الله تعجبكن
مابدي طول اكتر خلينا نبلش بالخطوات
اول شي بالنسبه للمقلوبه لازم نجهز كلشي ع الطاوله قبل تطبيق الطبخة
١_بننقع الرز
٢_بنقطع الخضار ( الزهرة _البندورة _الباذنجان _حبات الثوم_البصلة_الفليفله_البطاطا) بس الباذنجان حنقطعو بشكل طولي
٣_بنقلي الباذنجان والبطاطاوالزهرة ونحطهم ع جنب
٤_بنصفي الأرز وبنضيفو جميع البهارات الناعمة ومكعبات المرق والملح والبهارات الخشنه في بعض الأشخاص مابتحب تطلع معها بالأكل فأنا هون دقيتهم بمدق الثوم
٥_بنقلي بنفس الطنجرة البصل والثوم وبنشيلهم ع جنب
٦_اول شي بنصف الفليفله بعدين البندورة لأنو احتمال يلتصقو بالطنجره وهنن أطيب شي بس يلتصقو بنشيلهن عجنب لحبيبتكم ام جودي وبعدها الباذنجان بشكل عامودي وبعدها الزهرة والبذنجان ولبطاطا والبصل والثوم المقله
٧_سبق وكتبت انو بدنا ٣روس ثوم كاملين بنغسلهم كويس وبنضيفهم فوق الخضار بعد ماتستوي المقلوبه بنعصر حبات الثوم كتيير طيبة
٨_بنضيف الأرز وبالنسبه للزيت مابنكتر كتير لأنو زيت المقالي رح يطلع منو
٩_بنحط فوق الأرز صحن فنجان القهوة وبنكون سخنا مي وبنضيف المي فوق الصحن حتى ما يخبص الرز ويطوش الخضار وهون المي مالو عيار زي العادة يعني نحن بنضل نضيف مي حتى يصير المي فوق الرز ٣سنتمتر
وبنشغل عليه النار حتى يغلي بنزبط الملح وبنغطي عليه وبنخفف النار للأخر
حتى يستوي وأهم شي لما نختار الطنجرة تكون مناسبه لحجم الرز حتى لما نقلبها يظل شكلها مزبوط وأهم شي تكون الطنجرة ماتكون لاصقه للأسف طنجرتي كانت شوي كبيرة وألمينا:(
وهيك بعد ما نتأكد من استواء الرز بنجهز الجاط المناسب وبنقلبها وانتي وشطارتك واكيد ما شالله الكل عندو خبرة
ان شاء الله ما كون طولت عليكم وتعجبكن (مقلوبتي) 🙂
اكيد لا تنسوني من دعائكم بحبكن كتييييييير
