معجنات ولا أروع
معجنات ولا أروع
المقادير
- طحين حسب الحاجه
- معلقه كبيره زيت زيتون
- 3\4 كوب كبير زيت نباتي
- 2 كاس كبير حليب سائل واذا مش متوفر حطي لكل كاسه مياه معلقتين كبار مليانات حليب بودره
- معلقتين كبار سكر
- معلقه كبيره مش مليانه ملح
- 2 حبه بيض
- معلقه ونص كبار خميره
- بكيت بيكم باودر
- كاسه الا ربع لبن ( زبادي )
- ممكن اضافه نص معلقه كبيره خل واذا مش متوفر عادي
- وللوجه:
- كاسه كبيره حليب سائل
- سمسم محمص
- حبه البركه
- سماق
- زعتر تبع الاكل
الخطوات
بنخلط جميع المقادير مع بعض عدا الطحين بعدين بنبلش نضيف الطحين بالتدريج حتى نحصل على عجينه متماسكة وطريه وما بتلزق
المهم واهم اشي كل ما ريحتي العجينه ونفخت كل ما كانت النتيجه احلى واطيب وبس تعجني العجينه حطيها في مكان دافي حتى تتخمر او حطيها جمب الصوبه عشان الجو بارد
وبس تجهز بتشكليها وبتحشيها بالطريقه الي بتحبيها وبالحشوات الي موجوده عندك او الي بتفضلوها
انا حشيتهم جبنه صفرا
وجبنه فيتا
وجبنه موزاريلا
ونقانق
انا شكلتها بالطريقه الي بحبها وحشيتها وبس خلصت دهنت الوجهه حليب واشي حطيت عليهم سمسم او حبه البركه او سماق او زعتر
وبس خلصت الحشوات تركتهم يرتاحو بمكان حامي اشوي قريب الفرن وهو شغال بعدين حطيتهم بالفرن وخبزتهم وبعدين حمرت الوجهه
نسرين ادريس
