كيكة البرتقال بصوص البرتقال والطعم رووعه
كيكة البرتقال بصوص البرتقال والطعم رووعه
المقادير
- 2 كوب طحين
- نص كوب نشا
- أربع معالق حليب بودره
- رشة ملح
- معلقه كبيره بكنج باودر
- 4 حبه بيض بحرارة الغرفه
- كوب ونص سكر
- معلقه صغيره فانيلا
- معلقتين من برش البرتقال
- معلقه صغيره خل
- كوب زيت ذره
- كوب عصير برتقال
- للصوص البرتقال :
- نص كوب عصير برتقال
- نص كوب سكر بودره
- معلقة صغيره فانيلا
- ملعقه كبيره برش برتقال
- للتزين شرائح البرتقال
- اربع معالق حليب بودره
- للتزين شرائح البرتقال
الخطوات
السلام عليكم ويسعد أوقاتكم بكل خير
ان شاء الله تكونو بخير
اليوم بقدملكم كيكة البرتقال بصوص البرتقال
اشهى وازكى من هيك ما في بنصحكم بتجربتهااا
طعمها روووعه
يلااا نشوف الطريقه ….
& بالبدايه بنخلط عالخلاط الكيك البيض والفانيلا
وبرش البرتقال والخل سوا
وبنضيفلهم الزيت والسكر وبنخلطهم سوا
& بننخل الطحين وبضيفله النشا ورشة ملح
والبكنح باودر وببلش بأضافة الطحين بالتناوب مع عصير البرتقال لحتى اخلص الكميه
مع اضافة الحليب البودره
& وهيك الخليط صار جاهز بضعه بقالب الكيك او الصينيه
مدهون زيت ومرشوش بالطحين
& بدخله عالفرن محمى عالدرجة حراره 180
لمدة 35 دقيقه تقريبا بنختبر أستواءه بعود خشبي
بنضعه عالرف الوسط بالفرن
& بعد ما تجهز الكيكه بنتركها تبرد وبنقلبها بصحن التقديم
وبنضيفلها صوص البرتقاال
& عملت الصوص عالطريقة ام جاسم للصوص الابيض موجود بملفها بتمنى من الادمن اضافة الرابط
والصوص طلع رووعه يسلم دياتك ام جاسم
بس انا عملت عليه تغير استبدلت الحليب بأضافة نص كوب عصير برتقال وضفت معلقة برش برتقاال
& بزين الكيكه بالصوص حسب ما بتحبو التزين
اضفتلها شرائح البرتقال
ان شاء الله تعجبكم الوصفه
دمتم بكل الخير
