كرات الكفته بالبندوره بطريقه مختلفه وطيبه كثير
كرات الكفته بالبندوره بطريقه مختلفه وطيبه كثير
كرات الكفته بالبندوره بطريقه مختلفه وطيبه كثير
المقادير
- لحمة كفته
- كميه من بقدونس مفروم ناعم
- 2 راس بصل وسط مفرومين ناعم
- 1 حبة بندوره مفرومه ناعم
- 2 معلقة صلصة بندوره
- ملح
- فلفل اسود
- كميه من عصير البندوره
- ثوم مهروس
- كزبره مفرومه اختياري
الخطوات
السلام عليكم ويسعد اوقاتكم بكل خير
بقدملكم اليوم وصفه للكفته مختلفه وطيبه كثير
ان شاء الله تعجبكم وتجربوها
يلاااا نشوف الطريقه ….
& بنجهز لحمة الكفته باضافة البقدونس المفروم ناعم والبصل وبندوره مفرومين ناعم وملح وفلفل اسود
ومعلقتين من صلصة البندوره وبعجنها مزبوط
وبعدين بكورها كور صغيره وبقليها بزيت حامي وبقلبها لتتحمر بنشلها وبصفها بالصينيه
& بضيفلها عصير البندوره مضافله صلصة بندوره اربع معالق وبخلطهم سوا وبضيفها عالكفته وبدخلها الفرن عالنار عاليه لتتسبك ..وبضيفلها ملح وفلفل اسود
& قبل ما تجهز بعمللها طشة الثومه
بقلي ثوم مهروس بنفس الزيت يلي قليت فيه الكفته باخذ منه معلقتين تقريبا
ولما يتقلى بشيله عن النار وبضيفله معلقتين كبار كزبره مفرومه وبقلبها مع الثوم وبضيفها للكفته وبحركهم معها
وبرجعهم للفرن لتاخذ الطعم بس ما بطول عليها لانها جاهزه معنا الثوم تتم اضافته باخر مرحله
& وهيك صارت جاهزه معنا اعطيتها وجه خفيف تحمير
وممكن ما تحمريها ..
& ممكن تقديمها مع الارز الابيض مثل داود باشا بس بنخلي عليها صوص
قدمتها مع الخبز والسلطه
وعالجهتين مع الارز او الخبز كثير طيبه
دمتم بكل الخير
