بيتزا الدجاج
بيتزا الدجاج
المقادير
- ثنين صدر دجاج مقطع مكعبات صغيرة
- ثوم باودر
- بصل باودر
- بهارات دجاج كاري
- ملح
- فلفل اسود
- بهارات تندوري اذا وجد
- لصلصة البيتزا:
- معلقتين زيت زيتون او زيت ذرة
- خمس حبات بندورة مبشورة
- سنين ثوم مهروس
- معلقة صلصة
- معلقتين كاتشب
- معلقة زعتر مجفف
- ملح
- فلفل اسود
- معلقة صغيرة سكر
- للعجين :
- اربع كاسات طحين
- نص كاسة زيت
- معلقة كبيرة خميرة
- معلقة صغيرة ملح
- معلقتين كبار سكر
- معلقتين كبار حليب باودر
- ماء دافي للعجن
- الخضار المضافة :
- فلفل الوان
- ذرة حلوة
- فطر مقطع شرائح
- زيتون اسود شرائح
- الأجبان :
- جبنة شيدر
- جبنة موزريلا
الخطوات
اول شي بجهز العجين طبعآ بحط الطحين والخميرة والسكر والملح والحليب الباودر وبخلطهم ع الناشف وبعدين بنزل عليهم بالمي الدافية حتى تتشكل عندي عجينة دبقة بعض الشيء هسة بنزل عليها الزيت وبعجن حتى تشكل معي عجين ملسا وما بتلزق بغطيها وبتركها تخمر
الدجاج بحط شوية زيت بالمقلا بس يحمى بنزل عليهم صدور الدجاج وبقلب حتى يتغير لونهم وبترهم تتنشف ميتهم وبنزل عليها التوابل والملح وبقلبهم وبتركهم يبردو
للصلصة بحط معلقتين زيت بالمقلا وبنزل عليها الثوم المهروس وبقلب بس تطلع ريحتها بنزل عليها البندورة المبروشة والصلصة والكاتشب وبقلبهم وبعدين بحط الزعتر الناشف والملح والفلفل وبابريكا حارة اختياري
بقطع العجين كرات وبفردها ع شكل دائري بفرد من النص للطرف حتى تضل حواف العجين خميلة شوي ومن النص رقيقة وبخزقها بالشوكة وبترك الاطراف بدون تخزق عشان تنفش وتضل النص رقيقة
هسة بدهن السدر زيت وبرش رشة سميد علي وبحط العجين عليها وبحط الصلصة وبرش عليها الأجبان والدجاج وبحط عليهم الذرة والفطر والزيتون والفلفل الالوان وبحط ع الوجة رشة جبنة مزريلا وبدخلها الفرن بس تاخد لون خفيف من تحت بنزلها للشوي تاخد لون بسيييييط جدآ عشان ما تنشف الجبنة
وصحتين وهنا على قلوبكم جميعآ اتمنى بيتزاتي المتواضعة تعجبكم وتدعولي دعوة من القلب 🥰🥰💗💗💗💗💗
