قرشله بدون بيض… قمه الابداع
قرشله بدون بيض… قمه الابداع
المقادير
- ٣,٥ إلى ٥ كوب طحين …بسبب اختلاف انواع الطحين
- ١ ونصف كوب سكر
- ١ ونصف كوب حليب سائل
- ١ ونصف كوب زيت
- ١ م ك بيكنج بودر
- ١ م ك يانسون مطحون
- ١ م ك يانسون حب + شومر( اختياري)
- رشه ملح
- م ص فانيليا
- للتزيين :
- سمسم
- للتبطين :
- ٢ م ك زيت نباتي
- ٢ م ك طحين
الخطوات
السلام عليكم ورحمه الله وبركاته ….وصفتنا لليوم بتجنننن لشيف كمان بتجنننن هي الشيف ام حسن الرائعه
هالوصفه تحفه فوق العادة وكتيييير اطيب من يلي مع بيض
انا صدقا اعتمدت هالوصفه اكتر من يلي قبلها …وعملتها مرتين وحبيت شاركم فيها واشكر حبيبه قلبي ام حسن الغاليه
ويلااااااااا نبلش
نشعل الفرن ع درجه حراره ٢٠٠ الرف الشبكي الاوسط
نضع الزيت والسكر والحليب معا ونحرك حتى يذوب السكر ….ثم نضع اليانسون المطحون والحب والفانيليا ونحرك
نضع الملح والبيكنج باودر و٣ كوب طحين وننخلهم …..ونضعهم ع الخليط ونحرك
اذا احتجنا كمان طحين نضع تدريجي ….انا اخد معي ٣ كوب ونصف طحين فقط والخليط جامد اجمد من خليط الكيك
مع ام حسن طلعو خمس اكواب …….. فبدك تنتبهي
ندهن صحن بايركس بزيت وطحين ….. نضع الخليط وع الفرن لثلث ساعه تقريبا ونتخبرو متل اي كيكه …..بنحمر الوجه ع الخفيف
وبنتركه يببرد تماما
ثم نقطعه بالشكل المعروف …..ونصفه بصينيه اكبر وتكون ثقيله حتى يتحمص بدون ما ينحرق…
وبتمنى تحاولو تحطو ورق زبده او قصدير ع الصينيه وتحطو فوقها الكعك
نشعل الفرن كمان مرة ع درجه حراره ١٥٠ تقريبا
ونضع الرف الشبكي ع اول رف من فوق ….ونتركها تتحمص وكل ربع ساعه نقلبهم
وان شاء الله يعجبكم متل ما عجبنا
******ويقدم مع الشاي والحليب وريتوووو الف هنا وصحه *******
