معمول السميد
معمول السميد
المقادير
- ٢ كو سميد خشن
- ٢ كوب سميد ناعم
- كوب ونص طحين او حسب نوع الطحين
- كوب سمنة سايحة
- نصف كوب زبدة سايحة
- ٢ ملعقة كبيرة حليب بودرة
- ٤ ملعقة كبيرة سكر بفضل اطحنة حسب الرغبة طبعا
- بطرف الملعقة الصغيرة خميرة يادوووب
- ملعقة صغيرة محلب مطحون مع رشة سكر
- ملعقة صغيرة مستكة مطحونة مع رسة سكر
- نصف كوب ماء دافئ ونصف كوب ما زهر اوماء ورد او خليط بينهم…
- تمر معحون مع شوية زيت زبتون وهيل وقرفة
الخطوات
بنبس السميد مع السمنة والزبدة لمدة يوم او اكثر وكل كم ساعة بترجعي بتبسي مرة تانية عشان السميد يتشرب مزبوط من السمنة والزبدة وبطلع هش اكتر…بعد البس بتخلطي الطحين والحليب البودرة والسكر والمستكة والمحلب والخميرة وبتبسيهم مع بعض واخر شي بضيفي المي وماء الزهر…رح تطلع العجينة رخوة عاااادي لا تخافي اتركيها رع او تلت ساعة بتكون شرربت السائل كله وتماسكت …هيك السميد ما رح يحتاج سائل لانه اتشبع من الاول ومارح ينشف….بعدين بتبلشي تحشيه بالتمر…وبعدين بتحطيه بفرن محمى مسبقا على درجة حرارة ٢٠٠لمد سبع او ثمان دقائق حسب درجة فرنك….واخيرا بضيفي على وجهه رشه سكر بودرة…. صحتين وعافية كتيييير.طيبة بتمنى تجربوهااااا……
