جاج مشوي على الفحم من الوءة

المقادير

• جاجة مقطعة ٤ قطع
• ٥ ملاعق كبيرة لبن
• ملعتين كبار دبس رمان
• ملعتقين كاتشاب
• ٢ ضرس ثومة مهروسين
• ملح وبهار مشاوي وفلفل اسود
• عصير لنص ليمونة
• ملعقة خل ابيض

الخطوات

مسى الخير صبايا كيفكم …. اشتقتلكم كتير واسفة لاني زمان ما نزلت شي بس كنت بفترة الوحام وكانت كتييييير صعبة

بدكم تباركولي لاني عرفت احلى خبر بحياتي انه رح يجيني بنوتة ❤ الحمدلله حمدا كثيرا طيبا مباركا فيه

وان شاء الله عقبال كل مشتهي ربي لا يحرم هاي النعمة لاي حد يا رب

انا بعرف انكم ما شاء الله كلكم شفات وبتعرفوا طريقة المشاوي بس حبيت اسلم عليكم من خلال هي الوصفة البسيطة

اولا بنحط كل المقادير مع بعض وبندعك ( بنعمل مساج 😂) الجاج فيه وبنتركوا اقل شي اربع ساعات وبعدين على المنقل

وصحتين وعافية ❤❤❤❤