شوفان نوارة بالموز والكاكاو دورة الطبخ 3
شوفان نوارة بالموز والكاكاو دورة الطبخ 3
من كتر مافي فوائد رائعة للشوفان من كل النواحي حبيت اني دخلو لوجباتي خاصة وجبات الفطور وحبيت اتفنن فيه لحتى حبو اكتر وكمان حبيت انو انتو تحبوه متل ما انا حبيتو وحبيت تجربوه وحبيناكم حبونا وعالفطور عزمونا ويلا صحصحو فورا وعالمقادير لحقونا
((اللي لحنت تعترف))
المقادير
- منحتااااج كوب و ربع حليب
- نصف كوب شوفان
- ملعقة و نصف كبيرة كاكاو
- ملعقتين سكر او ملعقة عسل (حسب مابتحبو الحلاوة)
- ثلث كوب موز مهروس
الخطوات
“بسم الله الرحمن الرحيم”
*أول شي منخلط كل المكونات عدا الموز
منطبخهم حوالي ربع ساعة و منحركهم خلال هالوقت مرة أو مرتين لحتى مايلزق شي و بس يستوي الشوفان و يتماسك الخليط منطفي و منضيف الموز المهروس و منحركو معهن و خلصت وصفتنا صارت جاهزة للتقديم
* طبعا خيار الإضافات مفتوح
اللي بحب يضيف فواكه أو مكسرات أو شوكولا او جوز هند و اللي بحب يخفف شوية سعرات و ياكلها لحالها طيبة كتير
* بالنسبة لسماكتها اذا حبيتوها سائلة اكتر كترو مقدار الحليب
* بتمنى تجربوها و تدعولي بالبركة و بكل شي حلو متلكم
تصبحو على خيييير وسعادة وهنا
