صينية سمك مشوي بالطحينة دورة طبخ سمك 1
صينية سمك مشوي بالطحينة دورة طبخ سمك 1
المقادير
- سمك النوع إلي بتفضلوه أنا استخدمت سمك راس مقطوع حوالي ست سمكات
- طحينة
- بطاطا خمس حبات
- ثوم
- ليمون
- ملح وبهارات سمك وكمون وشوية فلفل أسود
- زيت نباتي
الخطوات
طبعا السمك معروف كتير بفوائده العظيمة والكتيرة للانسان وله طرق وأصناف عديدة لتقديمه من شوي وقلي وغيره
بالنسبة للطريقة هاي عملته هيك منشان يتشجع الأطفال إلي ما بيكولوا السمك إنهم يوكلوه حطيت معه بطاطا وطحينة ليحبوه اكتر والطريقة: بنغسل السمك وبنظفه وبنشيل الحسك أو بنشيل الجلد كله متل ما أنا عملت بنحضر التتبيلة ثوم مهروس مع ليمون وبهارات السمك والكمون والفلفل والملح وبنقطع السمك وبننقعه بهاي التتبيلة
بعدين ينقطع البطاطا شرحات وبنحطهم مع السمك بالصينية ونحط فوقيهم باقي التتبيلة وزيت وعالفرن يتحمر شوي بعدين بنحضر الطحينة مع الليمون وشوي ملح وثوم مهروس وبضيفها عالسمك وبنرجعها عالفرن تكمل سواها ونقدمها مع سلطة كتير لذيذة ومفيدة وسريعة وبسيطة كمان
وصحة وهنااااا
#ادعموني لا تزعلوني
