كرات الشوفان الرائعة بالبسكويت و الموز دورة الطبخ 4

المقادير

• 3 موزات حجم وسط مهروسين
• ملعقة ونصف عسل أو ملعقتين سكر
• 3 ملاعق ونصف ك زبدة
• ملعقتين ك قشطة
• ظرف فانيليا
• كوب شوفان
• 3 كوب بسكويت القمح الكامل (دايجستف وولاد عمها)

الخطوات

“بسم الله الرحمن الرحيم”

* أول شي منهرس الموزات ليصيرو ناعمين

* منضيف عليهم العسل او السكر والزبدة والقشطة والفانيليا ومنخلط ليمتزجو منيح

* منضيف عليهم الشوفان ومنحرك

* هلأ بقى منضيف البسكويت

* بس نوصل لخليط متماسك منشكل كرات ومندخلهم البراد شوي وبعدين منطالعهم منغطهم بالبسكويت المطحون وانا زينتها بخطوط الشوكولاتة

* طبعا فيكن تضيفو لو حبيتو مكسرات بس انا حبيت خليها هيك

قومو اوام جربوها وخبروني رأيكن ودوقوني كمان ههههه

* حابة قلكم اعذروني اذا الاضاءة بالصور ملخبطة، كنت عم جرب عالوصفات لمبة جديدة ههههههه

لا تنسوني من دعواتكن الحلوة والسلاااام عليكم ورحمة الله وبركاته