سويسرول الستات على طريقتي سهل ولذيذ
سويسرول الستات على طريقتي سهل ولذيذ
المقادير
- ست بيضات كاملة
- ست ملاعق سكر
- ست ملاعق زيت نباتي
- ست ملاعق طحين
- ملعقة ص بيكنج باودر
- ملعقة ص فانيلا
- للحشو والتزيين:
- تنين بكيت كريما مخفوقة
- للتزيين:
- صوص كراميل
- شوكلاتة سايحة
الخطوات
السلام عليكم ورحمة الله وبركاته
كيفكم يا عسولات اشتقتلكم كتير كتير…. سامحوني طولت الغيبة عليكم اخواتي وصديقاتي الحبيبات يا رب تكونو بألف خير وصحة وسعادة
اليوم وصفتنا سهلة وخفيفة وكتير زاكية…. اسمو سويسرول الستات بس مش احنا الستات ما نفرح كتير المهم المبدأ فيه كل شي ستة من المكونات يعني ست ملاعق طحين ستة بيض ستة زيت ستة سكر بس مو ستة فانيلا ولا ستة بيكنج باودر بعدين ازا حطيناهم بنروح على المستشفى الطابق السادس الغرفة السادسة عاليمين
المهم بكفي هيك حكي ومزح… نروح للجد والطريقة….
بسم الله نبدأ.. نخفق البيض كامل بالخفاق الكهربائي لمدة ثماني دقائق متواصلة حتى يصير كريمي تقريبا بعدين نضع السكر ونخلط ثم الزيت ونخلط واخر مرحلة نضع الفانيلا ونخلط واخر مرحلة ننخل ست ملاعق الطحين مع البيكنج باودر ونخلط بلطف بالملعقة حتى يختفي الطحين
ونحضر صينية فرن واسعة ونضع فيها ورقة زبدة ونضع الخليط بالتساوي على فرن محمى مسبقا على درجة حرارة 180لمدة 13دقيقة مع المراقبة
وعندما ينضج الكيك نخرجة من الفرن نتركة يبرد قليلا ثم نلفة بورق الزبدة رول ونضعه في الثلاجة ربع ساعة حتى يبرد…. بعد ذلك نخرجه من الثلاجة ونفرد الكريما بالتساوي مع رشة الكراميل ونلفه رول مرة ثانية ونغلفة ببلاستيك الغذائي ونرجعه على الثلاجة لمدة نصف ساعة حتى يتماسك جيدا…. ثم نخرجه ونزينه بالكريما والشوكولاتة الذائبة ويقدم…. والف صحة وهنا على قلوبكم غالياتي…
بتمنى تجربوها وتحكولي رأيكم حبيبات قلبي ❤
دمتن في حفظ الرحمن
