حمام محشي دورة طبخ متنوعه ٣
حمام محشي دورة طبخ متنوعه ٣
المقادير
- حمام حسب العيله قد ما بدكو
- م. ص بهارات مشكله
- فلفل حلو
- م. ص هيل مطحون
- م. ك جوز
- ٣ سنون ثوم مبشور
- بصل ٣ حبات كاملات
- بطاطا ٣ حبات
- م. ص ملح
- م. ك خل
- م. ك. دبس رمان
- ٣ ملاعق صلصة بندوره
- م. ك. بصل بودره
- م. ك. ثوم بودره
- م. ص. شطه
- كاستين فريكه منقوعه
- م. ك. زيت ذره
- كزبره
- نعنع
- لوز
- عصير ليمون
- فلفل اسود
- كاستين مي
- كياس حراريه
الخطوات
السلام عليكم ورحمة الله وبركاته….. الحمام المحشي على طريقتي بتمنى يعجبكم…..
بسم الله الرحمن الرحيم.. اول شي بنظف الحمام امنيح وبنتبله لمدة ساعتين بالتتبيله خل ودبس رمان وبودرة الثوم والبصل والبهارات وصلصة البندوره وملح وشطه ونصف الفنجان ليمون…. وبعدين بننقع الفريكه لانها بتوخذ وقت عند الاستواء لازم تنقع مزبوط وبنجهز باقي المقادير بنفرم النعنع والكزبره وبنقلي الوز وبعدين بنطبخ الفريكه بعد النقع نص سيه يعني ما تكون مستويه اكثير لانها رح تستوي بالفرن بداخل الحمام وبنضع على الفريكه الكزبره والنعنع والفلفل الاسود والهيل والزيت ومي وملح والوز وجوز وبنخليها اشوي ع النار وبعدين بنحشي الحمام وبنحطه بكياس حراريه وبنحط بداخل الاكياس البصل والطاطا وفلفل حلو بنحط كاست مي بالصينيه وبندخلها الفرن ساعه ونص وهيك بتكون جاهزه….. وصحتين وعااااااافيه…..
