معمول الطحين دورة طبخ ٢

المقادير بالغرامات

• كيلو طحين ١٠٠ غرام
• نص كيلو سمن ٥٠٠ غرام
• سكر ٢٠٠ غرام
• ماء بارد ٢٠٠
• غرام قطر ٥٠ غرام
• المقادير بالكوب المعياري :
• طحين ٧ كاسات
• سمنة كاستين وثلاث ارباع
• ماء بارد كوب
• سكر كوب
• قطر اربع معالق طعام
• حشوة التمر :
• كيلو تمر
• معلقتين كبار سمسم محمص
• اربع معالق قطر
• معلقة يانسون
• معلقة شومر
• معلقة قرفة صغيرة
• نص معلقة صغيرة هيل مطحون
• معلقة سمنة
• حشوة فستق حلبي : استخدمة
• ربع كيلو فستق
• ثلاث معالق قطر
• معلقة ماء زهر
• معلقة ماء
• معلقة سمنة
• حشوة الجوز : بنفس عيارات الفستق الحلبي واذا بتحبي ضيفي
• معلقة قرفة صغيرة

الخطوات

اول شي يسعد اوقاتكم صديقاتي واخواتي العزيزات تاني شي هاي طريقة المعمول مضمونة رح تنجح معكم من اول مرة ورح تعطيكم نتيجة افضل من احسن محل حلويات جربوها ودعولي ويلا بينا

اولآ بحط السمن والطحين والمحلب وبدعكهم مع بعض حتى يصير خليط كريمي ناعم جدآ وبعدها بحطها شي نص ساعة او اكتر بالثلاجة وبعدها ببلش اجهز الحشوات

الفستق الحلبي :

بطحنو شبة ناعم وبحط عليها ثلاث معالق قطر ومعلقة ماء ورد ومعلقة ماء وبعجنهم حتى يصير متماسك وطري ممكن تحتاج اكتر قطر انتي بتعرفي وانتي بتعجني لازم تكون متماسكة وما بتفرفط معك وبعدين بضيف معلقة صغيرة سمنة وبقلبهم وبتركهم ع جنب

الجوز :

نفس طريقة الفستق الحلبي واذا بتحبي بضيفي معلقة قرفة صغيرة

التمر :

بعجن التمر مع اربع معالق قطر ومعلقة يانسون ومعلقة الشومر والهيل والقرفة واخر شي بضيف معلقة سمنة

هسة بعد ما جهزة الحشوات بطلع العجين من التلاجة بتكون جمدة برجع بدعكها مرة تانية حتى تصير ناعمة وكريمي وبعدين بحرك السكر والقطر مع الماء وبضيفهم على العجين وبحركهم بشكل دائري بدون عجن بأطراف الاصابع وبس يختلطو مع بعض بتركهم طبعآ بطلع معي عجين طري كتير ومايع طبعآ رح يمسك مجرد ما تركتو خلا دقيقتين تلات رح يمسك وببلش احشي بالحشوات ولازم تكون العجين بحجم الحشوة عشان ما تكون عندك بس عجين من جوا والرسمة بضلها محافضة ع حالها هلا عند الطباعة بحط الكرة بطحين عفرة بسيطة عشان ما تلزق معك بالقالب وبعدين بس اخلص كل الكمية بكون محمية الفرن وببلش اشويهم بس مجرد ما تاخد لون من تحت بنزلهم ع التحمير وصحتين وعوافي ع قلوبكم كرموشاتي

ملاحظة : لا استخدم خميرة ولا بكنغ باودر السمنة كميتها كافية لحتى تطلعلك معمول هش وطري بدوب دوب بالتم