عش البلبل دورة طبخ ٣

المقادير

• نص كيلو عجينة كنافة طازجة
• كاس كبير سمنة سايحة
• مكسرات:
• فستق حلبي
• كاجو
• للقطر:
• كوبين سكر
• كوبين ماء
• عصرة ليمون

الخطوات

السلام عليكم يسعد اوقاتكم صديقاتي وصفة سهلة وبسيطة وفخمة للضيافة يلا لنشوف

بكل بساطة باخد مجموعة صغيرة من شعر الكنافة وبلفو على اصبعي الإبهام متل ما موضح بالصورة وبسحبها وبرصها بالصينية المدهونة بالسمنة وبهالطريقة بعمل كل الصينية وبعدين ببلش احط بكل حبة حبة كاجو او حبتين فستق حلبي وبعد ما اخلص بسيح السمنة وبشرب فيها حبات العش كاملين واذا شفتي قليل زيديهم كمان سمنة وبعد ما اخلص بحطو بالفرن على نار هادية حتى يتحمرو مزبوط هو تقريبآ رح يتقلى تقلاي بالسمنة يعني ما بتحمر الوجة رح لحالو يتحمر وبعد ما اخلص بطلعو من الفرن بصفي من السمنة وبشربو القطر الي مجهز من قبل طريقتو انو بحط كل مكوناتو مع بعض وبتركو عشر دقايق ع الغاز حتى يعقد وبشرب في العش وبعدين بصفي القطر وبغطي عشر دقايق وبقدمو بارد وصحتين وهنا على قلوبكم يا غاليات