المقادير:
– بدك لكل لتر حليب نعاج نقطه مساه اللي للجبنه.
– المساه يعني المنفحه, اسمها بالانجليزي cheese rennet, واسمه بالفرنسي présure, وتباع على شكل أقراص بالصيدليات, بتدوب في،شويه مي مع رشه ملح وبعدين بتحطي نقطة منها فوق الحليب الدافي, أحد أشكال المساه:
– سخني الحليب على النار حتي يكون دافي وبتحطي المساه وبتكمريها وبتصير كتله كبيره وبعدين بتقطعيها في شرايط صغار وبترديدهم ثلاث مرات وبعدين بتحطيهم تحت الحجر نص ساعه منشان تزل المي منها وصحتين.
– توضيح لطريقة وضع الجبنة في الشرائط ( الشرائط أي قطعة قماش نظيفة تكون من القطن لتسرب الماء):
قصي شريطه بحجم 15 سم في 15 وحطي تقريبا كوب ونص من الجبنة في كل شريطه واثنيها.
– لتخزين الجبنة :
بتملحي الجبنه كتير لحد ما تنشف وتزل ميتها يعني بدها خمس ايام في الثلاجه
وبعدين بتعبي طنجره فيها مي وبتملحيها ملح بيضه يعني بتضلي تحطي ملح لتطيش البيضه وبتحطي في،المي سره فيها مستكه وبتقطعي الجبنه وبتغليها لمده ربع ساعه وبعد الغلي بترشي القزحة أو حبة البركة وصحه عافيه.
ملاحظة/
– بدك خمس كيلو حليب لتعملي 2 كيلو جبنه.
لمتابعة الوصفة على جروب “زاكي”:
كيف تصنع الجبنة البيضاء في البيت؟