بفاريا بدوون بيض
بفاريا بدوون بيض
المقادير
- بنحتاج لهالوصفة مقدارين من هاي الشغلات طبقة اولى وتانية مقدار لطبقة بالحليب وفانيلا ومقدار لطبقة الكاكاو:
- كاستين ونص حليب
- نص كاسة طحين
- معلقة قهوة او نسكافيه بلاك حسب ذوقكم
- ٣ معالق كاكاو خام
- معلقة كبيرة فانيلا
- معلقة ماء الزهر
- ربع كوب حليب مكثف
- معلقتين زبدة
- بسكوت شاي او دايجستف
- سكر حسب رغبتكم
الخطوات
الطريقة يا عسلاااات
اول شي بناخد البسكوت وبنوزعو بالصينية او البايركس
وبطنجرة صغيرة لاول طبقة عالبارد بنحط كاستين ونص حليب ونص كاسة طحين والسكر وربع كوب حليب المكثف وفانيلا وماء الزهر والزبدة وبنخلطهم وبنحطهم عالغاز ليصير قوامهم متل لمهلبية وبس تجمد بنسكبها على طوول فوق البسكوت
وبنرجع نحط طبقة بسكوت ونحضر الطبقة التانية
كاستين ونص حليب ونص كاسة طحين والسكر وربع كوب حليب المكثف والكاكاو والزبدة والقهوة او النسكافيه انا حطيت قهوة طعمها كتيير عجبني وحبيتوو للي ما بحبو القهوة حطو نسكافية وعالبارد بنحركهم وعالغاز وبس يتقل قوامو بنسكبو فوق الطبقة الاولى
وبتقدري تزيني متل ما بتحبي انا حطيت وينر وبسكوت مطحون
وعالبراد ليلة او ساعتين تلات
وزينتوو بصوص التووفي من ملف ريحانتنا طعموو بشششهي وبجنن ولزززززيزززززز لزززززيززززز قد ما احكي لزيز ما بوصفو هههههههه
وصححتين وهنااا ع قلبكم حبيباتي
