صينيه دجاج بنكهه الثوم والهيل روعه وتستحق التجربه

المقادير

• لنصف دجاجه بنحتاج:
• ٥ سنون ثوم
• ٦ حبات هيل حب
• قرن فلفل أخضر حار مقطع مكعبات
• حبتين بطاطا مقطعين دوائر
• بصله مقطعه شرائح
• بهارات مشكله نص م.ص من كل:
• بهار جاج
• زنجبيل بودره
• فبركا
• فلفل أسود
• بهار شاورما
• ملح حسب الرغبه
• م.ك صلصه بندوره
• عصير ليمونه
• ٢ م.ك زيت نباتي أو سمنه
• كوب مرقه دجاج أو ماء

الخطوات

بسم الله نبدأ

بالبدايه غسلت الجاج بالطحين والليمون والملح وتركته ليتصفي

جهزت التتبيله دقيت الثوم والهيل مع بعض مع رشه ملح بعدين جبت الجاج وعملت فتحات بالسكينه

أخدت من الخلطه وحطيت بالفتحات وعملت مساج خفيف للجاج ههههه

جبت الصينيه إلي بدي أستوي فيها الجاج حطيت فيها الجاج والخضار والبهارات وخلطتهم كويس حطيت كوبايه المرقه وسكرت الصينيه إما بغطا طنجره أو بورقه قصدير

لما تبلش تغلى بوطي الغاز وبتركها لتستوي بدها من نص ساعه لساعه إلا ربع حسب قطع الجاج لو كبيره بتأخد وقت

وأكيد فيكو تحطوها بالفرن بس أنا بالنسبه إلي هيك أسرع وأريح

قدمت معها برغل مفلفل وسلطه خضار

بتمنا هالوصفه البسيطه تعجبكم وتدعولي بالخير والعافيه

♡وصحه وعافيه بحبكم أنا ♡