ستيك بالمشروم صوص والخضار دوره طبخ
ستيك بالمشروم صوص والخضار دوره طبخ
المقادير
- نصف كيلو لحمه فتيله عجل صغير مقطعه شرحات ستيك
- حبتين جزر مقشر ومقطع طولي
- حبه فلفل رومي حلو
- قرن فلفل حار حسب الرغبه
- نصف علبه فطر مقطع شرحات واذا طازج افضل
- بصله متوسطه مقطعه شرحات طوليه
- ملح
- فنجان صويا صوص
- معلقتين طحين
- فلفل اسود
- معلقتين زبده
- كاسه ونص ماء
الخطوات
السلام عليكم حبيباتي ويعطيكن الصحه والعافيه
عافانا وعافاكم الله من كل سقم ومرض
جبتلكم اليوم طريقتي للستيك ومثل ما بتحبها عيلتي
طبعا نزلت وصفه لام جاسم للستيك وكانت جدا رائعه وحبيت اشاركم بطريقتي الشخصيه
اولا نسخن مقلاه غير لاصقه ع الغاز وبنذوب فيها الزبده انا هون استخدمت زبده بلديه
بنشف اللحمه من الماء بورق تنشيف المطبخ
وبرش الحمه بمعلقه طحين من الوجهين الطحين طبعا ليمنع نزول ماء اللحمه لدنا تضل طريه من جواها وما تنشف
بقلي اللحمه ع الوجهين بالزبده الساخنه لتاخذ صدمه ولون خفيف وبنشيلهم لوعاء ثاني
بقلي شرائح البصل بالزبده الي ضلت بالمقلاه لتذبل وبضيف بعدها الجزر وبقلبها وبضيف الفطر والفلفل
والملح والفلفل الاسود وبتركهم شوي يتسبكو دقيقتين
بضيف معلقه الطحين ع كميه الصويا صوص وبخلطهم منيح وبضيفهم للخضار
برجع اللحمه للصنيه وبحطلها كاستين مي سخنه ** طبعا بتقدرو تخففو كميه المي بس عيلتي بتحب الصوص كثير لانه بقدمه مع ارز)
وبقصدر الصنيه وع الفرن ساعه لتستوي اللحمه مزبوط
الطحين طبعا بخلي الصوص ثقيل شوي وهاد المطلوب
بقدمها جنب الارز بشعيريه وصحه والف عافيه
بتمنى تجربوها ع طريقتي
**احبكم كللللكم ♥️**
