اول تجربه الي بالخبز بدون خميره ولا حليب
اول تجربه الي بالخبز بدون خميره ولا حليب
المقادير
- 2كوب طحين
- كوب ونصف ماء
- معلقة ك زيت
- ملعقه ص ملح
الخطوات
السلام عليكم ورحمة الله وبركاته عزيزاتي.. يااارب تنفك الازمه وترجع حياتنا زي اول واحسن.. وترفع عن جميع المسلمين الوباء
بسم الله…
اول مره بتجرأ اعمل خبز خفيف لطيف… وسرريع
بطنجره بنحط المي والزيت والملح.. بس يغلو ع طول بنحط الطحين وبنحركه بمعلقه خشبيه…
بنرفعه عن النار وبنعجنه منيح…
بس انتبهوا بكون ساخن
بس تتكون عجينه طريه.. بنقطعه كرات صغيره او بحجم القلايه
بنفرد كل قطعه بشوية طحين بشكل دائري… ولازم تكون شفافه …. انا صارت تقطع معي
وبنحطهم ع جنب لنخلص كل الكميه..
عالغاز قلاية غير لاصقه وبدون اضافة اي زيت
وبس يتغير لونها من تحت بنقلبها وبنرجع عالوجه الاول شوي. انا حمرتهم شوي زياده. وهيك لتخلص الكميه.. وبنغطيهم ببشكير المطبخ النظيف ع طول..
ان شاء الله تعجبكم.. لانها خفيفه وبدون خميره او حليب.. بتنفع للزيت والزعتر..والجبنه
رح ارجع اجربها ان شاء الله للشاورما..
جربوو هاي الكميه بس و لما ترضو عنها بتضاعفوها .
بأمان الله جميعا
