كيف تصنع كيكة على شكل البرجر؟

كيف تصنع كيكة على شكل البرجر؟
هذه الوصفة المميزة من إعداد صديقة زاكي المبهرة صاحبة الأنامل الذهبية Ghamra Sy, لنتابع معها الطريقة.

بالنسبة للكاتو طريقتو كتير سهلة:
6 بيضات مع ملعقة فانيليا وكاستين سكر عالمضرب الكهربائي 5 دقايق بضيف 3/4 كاسة زيت نباتي
ننخل 3 كاسات طحين مع ظرفين بكنج مبودر وبضيف لمزيج البيض الطحين على دفعات والتحريك بالمعلقة باتجاه واحد حتى مايطلع الهوا منو
بعدين 3/4 كاسة مي دافية وبخلطو منيح وبسكبو بصينية مدهونة زيت وطحين
الفرن حامي درجة 160 الشبك الوسط مدة ساعة بس من تحت

طبعا انا عملت 3 قوالب اثنين منهم سادة وواحد شوكولا طبعا قالب الشوكولا بينضاف الو ملعقتين كبار كاكاو وملعقة قرفة رشة قرنفل ملعقة كبيرة نسكافيه بتطلع طعمتو بتجنن بس طبعا بما انو بتضيفي كل هدول لازم يتنقص من الطحين يعني مقدار الطحين كاستين ونص اكتر شوي معلش

وبعتقد الشكل عم يحكي قالب سادة بالأسفل دهنت وشو كريمة وعملت ورق خس من عجينة السكر التي اشتريتها جاهزة زينتها بالاطراف حطيت قالب الشوكولا فوقو ودهنت وشو كريما وعالاطراف زينتها كريما حمرة وصفرة عأساس كاتشب ومايونيز وعملت قطع دائرية حمرة من عجينة السكر عأساس بندورة واخر طبقة القالب الاخير السادة ومن عجينة السكر عملت شوية حبات سمسم وحطيتها ع وش القالب.

تحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي