طريقة الناجتس محبوب الأطفال دورة طبخ ٧
طريقة الناجتس محبوب الأطفال دورة طبخ ٧
المقادير
- خمس صدور دجاج مفرومة ناعم
- معلقة كبيرة ثوم باودر
- معلقة كبيرة بصل بودر
- معلقة كبيرة بابريكا حلوة
- نص معلقة صغيرة بابريكا حارة
- معلقة صغيرة كاري
- باكيتين ماجي باودر
- فلفل اسود
- اربع شرائح توست مطحون مع الجاج
- للوجة:
- طحين
- قرشلة
- بيض
- حليب
- رشة ملح
- فلفل اسود
الخطوات
السلام عليكم صديقاتي
اول شي بكون طاحنة الصدور الدجاج المغسول منيح وبكون ناقعو نص ساعة بمي وخل مع التوست على ماكينة اللحمة او ع المحضرة وبعدين بضيف كل التوابل وبعجنهم منيح وبعدين بفردهم بين طبقتين ورق زبدة او كيس شمع وبقطعهم بالقطاعات الموجودة عندك تبعت البسكويت او بكاسة على شكل دائري اذا مش متوفر القطاعات او شكليهم على ايدك عادي او اعمليهم مربعات بالسكينة يعني لا تخلي اشي يوقف بطريقك دبريها ههههههه وبعدين بحطهم بالطحين وبعدين بالبيض المخلوط مع حليب ورشة ملح وفلفل وبعدين بالقرشلة وبعمل كل الكمية طبعآ بعملو كمية منيحة واذا بدك تفرزيهم حطيهم بطبق مفرود وحطيهم يجمدو وبعدين عبيهم بأكياس التفريز او حطيهم بصفاط فلين متل ما انا عملت وحطي بين الطبقات ورق زبدة او اكياس شمع وبس هاي هيك وصفتنا جاهزة لوقت ما بدك تقليهم طلعيهم من الفريزر واقليهم على طول من غير ما تذوبيهم وبقليهم بزيت غزير وحامي وبعد اول دقيقة بوطيهم حتى يستوي مزبوط وياخد لون حلو وصحتين وهنا على قلبكم وقلب اطافيلكم الحلوين
