طبقات المهلبيه اللذيذه رووعه ومنعشه سلسه حلوياتي البارده ٧

المقادير

• أول طبقه:
• بسكوت ساده
• نص كوب حليب سائل
• ثاني طبقه:
• ٢ كوب حليب سائل أو ماء و٤ م.ك حليب بودرة
• ٢م.ك نشا
• ٣ م.ك سكر أو حسب الرغبه
• م.ك ماء ورد
• قطع من الفراوله
• الطبقه الأخيره:
• باكيت جلي بنكهه الفراوله
• ٢ كوب ماء
• ٢ م.ك سكر أو حسب الرغبه

الخطوات

بسم الله نبدأ

بنغطس البسكوت بالحليب وبنرصه بصحون أو بصينيه بعدها

بنحط مكونات طبقه المهلبيه مع بعض ما عدا ماء الورد وبنحركهم كويس لما يغلو ويشتد القوام بنطفي وبنضيف ماء الورد بنوزع المزيج على طبقه البسكوت وبنتركها لتبرد بعدها بنوزع قطع الفراوله عليها

بنعمل الطبقه الأخيره بنغلى الميه وبعدها بضيف الجلي والسكر وبحركهم كويس ولما يبرد عالأخير بضيفه فوق طبقه المهلبيه بحذر وبنحطهم بالثلاجه لتتماسك طبقه الجلي كويس بدها من ساعه لساعتين وبتكون قابله للهجوم هههههه

بتمنا هالوصفه البسيطه تعجبكم وتدعولي بالخير والعافيه

♡وصحه وعافيه بحبكم أنا ♡