كيكة جوز الهند بسبوسة

المقادير

• كاسة طحين
• كاسة سميد
• نص كاسة حليب بودرة
• 3 بيضات
• 3 بيكنج باودر
• 3 فانيلا
• علبة لبن كبيرة
• م ص كربونه
• 3ارباع كاسة زيت
• 3 ارباع كاسة سكر
• كاسة ونص جوز هند
• للقطر :
• كاستين سكر
• كاستين مي
• عصرة ليمونه

الخطوات

نخلط البيض والسكر والزيت بعدين بنضيف المكونات الناشفه وبنخلطهم منيح وبعدين بنضيف الطحين والسميد واخر شي اللبن وبنخلطهم منيح

بنجيب الصينيه وبندهنها طحينيه وبنسكب الخليط فيها بنكون محميين الفرن من قبل بنحطه ع 160 او حسب الفرن اللي عندكم وبنحط الصينيه انا بتاخد معي من 30 ل 30 دقيقه وبنختبرها ب عود خشب او سكين

القطر بنحط كاستين السكر والمي ع الغاز طبعا قبل ما نعمل الكيكه مشان يبرد وبس يغلي بنعصر علية الليمونه وبتركه يغلي شوي ع الواطي وبنطفي تحته وبتركه يبرد

بس تجهز الكيكه وهي سخنه بنقطعها مشان تشرب القطر وبنسكب القطر عليها وهي سخنه وبنتركها تبرد وتشرب القطر

ملاحظه : لازم بعد ما تسكب القطر نتركها تبرد والا رح تتفتفت

وازا بدكم بترشو ع الوجه جوز هند انا ما بحط لانه جوزي ما بحبه كتير دوب يكون جواها

وبالعاااافيه