شاورما الدجاج البيتية
شاورما الدجاج البيتية
المقادير
- ٤ صدور دجاج مخليه من العظم والجلد
- بهارات شاورما
- لبن
- كاتشاب
- ثوم مدقوق
- بودرة ثوم
- كاري
- ملح
- كزبرة ناشفة
الخطوات
شاورما بيتيه
صدور دجاج مقطعه شرايح بنقعها قبل ٦ساعات ب لبن وكاتشاب وملح
وبهارات شاورما وزنجبيل وفلفل اسود وبودرة ثوم وثوم مدقوق وجوزة الطيب وكاري وكزبره ناشفه وزيت
طبعا الكميات حسب كمية الدجاج الي بدك تعمليه
انا عملت ٤ صدور
بعدين بحطه بالفرن بالنقعه الي عليه وما حطيت عليه مي لانه هو زل مي لحاله
حطيته بالرف الاوسط بالفرن وكل شوي كنت احركه
لحتى استوى وتحمر لحاله بدون ما احمره على الشواية
خبز التورتيلا عملته في البيت
كاستين طحين
معلقة كبيرة بيكنج باودر
معلقتين كبار زيت قلي
رشة ملح
ومي دافية للعجين
عجنتهم كلهم مع بعض وتركتهم نص ساعة يرتاحوا
قطعتهم كرات متوسطة ورقيتهم بطحين وخبزتهم ع الصاجة
داخل السندويشه بحط مثومه وبحط كمية من الشاورما وازا بتحبي تحطي مخلل بصير بس انا بخلي المخلل برا جانبي
بلف السندويشة وبحطها ع الجرل لحتى تحمر شوية وتمسك
بقطعهم وبحطهم بجاط التقديم
طريقة المثومه
لبن ومايونيز وجبنه كريميه وثوم وملح ومعلقة خل او ليمون والخلاط لحتى تصير ناعمة
وبتقلي بطاطا جنبهم
وانا عملت سلطة ملفوف احمر وجزر وخس وبصل طلعت تشهي
وصحة وهنا
#شاورما دجاج ام نضال
