تعال أعلمك الروقان بأحلى بان كيك
معكم صديقة زاكي Buthayna Ghanem
يسعد مساكم يااا رب ☺☺☺
مين عبالو بان كيك ..يتفضل
بان كيك بالموز
بيضتين
رشة فانيلا
كوب ونص حليب
3 معالق زبدة دايبة
3 معالق كبار سكر
رشة ملح
بنخفقهم مزبوط سوا بالخلاط او الخفاق …
بنضيف كوب طحين منخول مع معلقة كبيرة باكنغ باودر وربع معلقة كربونة صغيرة بنضيفهم مع التحريك ..واخر شي بنهرس موزتين كبار مزبوط وبنخلطها مع بقية المكونات كويس لحتى يتجانسو كويس وتدوب مع الخليط …
بنترك الخليط نص ساعة بعدين بنحمي مقلاية غير لاصقة او صاج وما بندهن اشي وبنحط كميات متساوية من العجينة مقدار واحد ..يعني مغرفة وحدة بنستخدم عشان يطلع نفس الحج وبس يبلش تنشف اطرافو ويتحمر من تحت بنقلبو على الجهة التانية ..وبنقدمو صحتين
بان كيك الكاسترد
نفس المكونات …الاختلاف انو بدل الموز بنضيف ربع كوب طحين زيادة تقريبا ومعلقتين كبار كاسترد بودرة وما بنضيف كربونة …
بنعمل الخليط عادي ..وبس يرتاح بنرجع نخلطو كمان مرة وبنخبزو بنفس الطريقة ..
بان كيك محشي نوتيلا
نفس المكونات بس هليط خليط الكيك اتقل شوي ..حطيت طبقة عالنار وفوقها معلقة نوتيلا وفوق النوتيلا كمان طبقة خفيفة من الخليط وخبزتها بنفس الطريقة
تحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي