ليالي لبنان حلا سهل وبسيط من تحت ديات أختي الحبيبه♡ إم عدي ♡

المقادير

• كوب سميد
• ٤ ونص كوب حليب سائل
• م.ك فانيلا أو ماء ورد
• للقطر:
• كوب ماء
• كوب سكر
• م.ص عصير ليمون
• صبغه طعام(إختياري)
• علبه قشطه للوجه
• زينه حسب الرغبه

الخطوات

بسم الله نبدأ

بطنجره بنحط الحليب مع السميد عالبارد وبنحركهم كويس بنولع الغاز عليهم وبنتم نحرك لما يغلى وتتفتح حبات السميد بنحط الفانيلا وبنحرك كويس

بنصب الخليط بصينيه وبنتركها لتبرد تماما

لعمل القطر بنحط الميه والسكر عالغاز لما يغلى بنحط عصير الليمون والصبغه وبنتركه يغلى لمده ٥ دقايق

بنجيب الصينيه وبنفرد عالوجه القشطه وبنزينها حسب الرغبه

لما نيجي نأكلها بنقطعها وبنرش على وجهها القطر

بتمنا هالوصفه البسيطه تعجبكم وتدعولي بالخير والعافيه أنا وأختي

وهي صور الفراوله إلي دار أختي زرعينها إلي بدها توصي وبجبلها بنص السعر هههه

♡وصحه وعافيه بحبكم أنا ♡