مسخن
مسخن
المقادير
- 5 فراشيح خبز صاج (شراك)
- دجاجة
- وقية لحمةمفرومة
- 5 بصل كبير
- ملح وفلفل اسود
- 2 معالق سماق كبار
- كاسة زيت زيتون
- شوية زيت قلى
- سمسم
- دقة للدجاج:
- فلفل
- توم
- ليمون
- صلصة
- بهار دجاج
- سماق
- للزينة:
- ليمون
- بقدونس
- فستق
- زبيب
الخطوات
بنسلق الدجاج ونخبز الصاج او بنشتري جاهز بعدين لوقت ميستوي الدجاج بندبل اللحمة بزيت زيتون وشوية زيت قلى بس تنزل ميتها بنحط البصل الشرايح عليها بس يدبل نحط عليهم ملح وفلفل اسود والسماق كل مزودنا سماق ازكى بعد ميستوي الدجاج بندهن الصينية البدنا نعمل فيها زيت زيتون وبناخد صحن شوربة وبنحط على زيت الزيتون وبناخد خبز الصاج بنحطو بشوربة وبنطلعو بنفردو بصينة بنفرد فطيرتين وبنحط نص اللحمة بعدين بنبلل باقى الفراشيح وبندير الشوربة الباقية بصحن فوق المسخن وبنحط باقى اللحمة وبندهن الدجاج بالدقة وبنرش على سمسم وبنرصو عليها وبندخلو علفرن بنخلى فوق ١٠دقايق بعدين بنزلو تحت بنحمرو وبنطلعو وبنزينو وبنقدمو مع دقة وشوربة وصحة وهنا
ملاحظة المقدار هادا بعمل زي الصينية التحت
